Hokkeıden Qazaqstan quramasynyń keıbir oıynshylary Qurlyqtyq hokkeı lıgasyndaǵy eń qymbat oıynshylardyń tizimine endi. Bul týraly sport-express.ru jarııalady, dep habarlaıdy “Adyrna” ulttyq portaly.
Málimet boıynsha, SKA-da oınaıtyn Darren Dı jylyna 70 mıllıon rýbl tabady. Bul – shamamen 418 mıllıon teńge.
Al Djessı Bleker («Avtomobılıst») pen Nıkıta Mıhaılıs («Barys») jylyna 50 mıllıon rýbl (298,62 mıllıon teńge) jalaqy alady.
Sondaı-aq elimizdegi joǵary jalaqy alatyn hokkeıshiler tizimi mynadaı:
- Kertıs Volk («Avtomobılıst») – 45 mln rýbl (268,76 mln teńge);
- Vıktor Svedberg («Avangard») – 40 mln rýbl (238,90 mln teńge);
- Alekseı Maklıýkov («Metallýrg») – 35 mln rýbl (209,04 mln teńge);
- Roman Starchenko («Spartak») – 25 mln rýbl (149,31 mln teńge);
- Valerıı Orehov («Admıral») – 20 mln rýbl (119,45 mln teńge).
Eske salaıyq, astanalyq «Barys» HK Qurlyqtyq hokkeı lıgasynyń bıylǵy maýsymynda pleı-off kezeńine shyǵa alǵan joq.
