Aqtöbe oblysynyŋ Hromtau audanyndaǧy «Qazhrom» kompaniiasyna tiesılı şahtada jūmysşy köz jūmdy. Būl – soŋǧy toǧyz künde Döŋ tau-ken baiytu kombinatynda tırkelgen ekınşı adam ölımı, dep habarlaidy "Adyrna".
Qaiǧyly oqiǧa 29 qazanda ERG qūramyna kıretın «Qazhrom» kompaniiasynyŋ Qazaqstan Täuelsızdıgınıŋ 10 jyldyǧy atyndaǧy şahtasynda bolǧan.
Kompaniianyŋ habarlauynşa, tau-ken jūmysşysy vagondardy tırkeu barysynda jaraqat alǧan. Oqiǧa ornynan ol şūǧyl türde Hromtau audandyq auruhanasyna jetkızılgen. Alaida därıgerler qanşa küş salǧanymen, onyŋ ömırın saqtap qala almady.
«Qazhrom» kompaniiasy marqūmnyŋ tuystary men jaqyndaryna köŋıl aityp, otbasyna qajettı kömek körsetıletının mälımdedı.
Oqiǧa jönınde tiıstı memlekettık organdarǧa habar berılgen. Jūmysşynyŋ qaza bolu sebepterı men män-jaiyn anyqtau üşın arnaiy komissiia qūrylady. Onyŋ qūramyna Aqtöbe oblysynyŋ eŋbek inspeksiiasy ökılderı de kıredı.
Aita keteiık, būǧan deiın, 20 qazanda, osy Döŋ tau-ken baiytu kombinatyna qarasty «Bolaşaq» şahtasynda da adam ölımı tırkelgen. Kenşıler jer astynda qorǧanyş tırekterın ornatyp jatqan kezde tau jynysy opyrylyp, jūmysşylardyŋ bırın basyp qalǧan. Ol alǧan jaraqatynan oqiǧa ornynda köz jūmǧan edı.
