Burynǵy depýtat ózin emoıonaldy túrde dóreki sóılegenin moıyndady, dep jazady "Adyrna" portaly.
Nur-Sultan qalasynyń ákimshilik quqyq buzýshylyq isteri jónindegi mamandandyrylǵan aýdanaralyq soty eks-depýtat Bekbolat Tileýhandy Vesti.kg saıtynyń tilshisi Aınur Qoskınaǵa kúsh qoldanǵany úshin kináli emes dep tapty.
«Ákimshilik quqyq buzýshylyq quramynyń joqtyǵyna baılanysty bul is boıynsha is júrgizý toqtatylsyn», - dep habarlady sýdıa.
Taraptar 10 kún ishinde apellıaııalyq shaǵym bere alady.
"Sýdıa, kórip tursyz ba, men qatty emoıonaldy adammyn. Men ony urdym dep oılamaımyn, biraq óz oıymdy emoıonaldy túrde bildirgenimdi moıyndaımyn. Aınur Qoskınadan aýyr aıtqan sózderim úshin keshirim suraımyn", - dedi Bekbolat Tileýhan sot barysynda.
Jýrnalıst óz kezeginde tatýlasý múmkindiginen bas tartty. Onyń advokaty Ásel Toqaeva eks-sheneýniktiń kinásin jáne onyń ákimshilik jazaǵa tartylǵanyn qalaıtynyn alǵa tartty.
«Bul sheshimge shaǵymdanamyz.Men sýdıanyń Bekbolat Tileýhannyń ondaı nıeti bolǵan joq degen sózine toqtalǵym keledi. Olaı bolsa, bizdiń elde bireýdi uryp-soǵýǵa bolady da, sosyn ondaı nıeti bolǵan joq dep, qutylyp ketýge bola ma? «Nege men osy ýaqytqa deıin sońyna deıin bardym, óıtkeni jýrnalısterge degen osyndaı kózqaras kóp. Qoǵamdyq alań, qoǵamdyq adamǵa suraq qoıylady degen túsinik joq», - dedi Aınur Qoskına.
Ol Bekbolat Tileýhannyń otbasyna qatysty jeke suraq qoımaǵanyn, onyń saıasatker retinde pikirin bilgisi kelgenin basa aıtty.
"Proess birde Telegram-da birde WhatsApp-ta bolyp uzaq ýaqytqa sozyldy. Biraq búgin Bekbolat Tileýhan sotta proestiń tezirek aıaqtalýyn qalaıtynyn málimdegende, saǵat 22.00-de sýdıa sheshimdi oqıtynyn aıtty, biraq keıinge qaldyrýǵa da bolar edi», - dep atap ótti jýrnalıst.
Eks-depýtattyń advokaty Bolat Tastybaev ekinshi ret sot-medıınalyq saraptama taǵaıyndaýdy surady.
Jıynda sot-medıınalyq sarapshysy Áshirov te sóz sóıledi. Onyń aıtýynsha, jýrnalıst sol jaq qabyrǵalyq samaı aımaǵy men onyń oń ıyqtyń artqy beti jaraqat alǵan. Ol vıdeomaterıaldar boıynsha eks-depýtat Aınur Qoskına kórsetken dene bólikterine qol tıgizgenin rastady. Alaıda keltirilgen zalal naqty osy oqıǵaǵa qatysty dep aıtýǵa bolmaıdy.
"Dene jaraqatynyń árqashan zııan keltirgen nysanǵa sáıkes kele bermeıdi. Ózin-ózi zaqymdaý máselesi medıınalyq sarapshynyń quzyrynda emes. Bul salystyrmaly uǵymdar, biz munyń naqty jaýabyn bere almaımyz», - dedi Áshirov.
Advokattar medıınalyq saraptamadan zardap shegýshige soqqynyń kúshi qandaı bolǵanyn túsindirdi.
"Ár adamnyń soqqyny qabyldaýy, qan tamyrlarynyń kúıi ár túrli. Bireý úshin kóp, bireý úshin azyraq kúsh qoldaný kerek. Qandaı kúsh qoldanylǵanyn aıta almaımyn. Biraq dene kógeretindeı kúsh qoldanylǵany anyq», - dep qosty medıınalyq sarapshy.
Oqıǵa kezinde lıftte bolǵan Májilis apparatynyń qyzmetkeri Danııar Seıfýllınniń aıtýynsha, eks-depýtat qoıylǵan suraqtarǵa ustamdylyqpen jaýap berdi.
"Men lıftte urǵan soqqan jaǵdaıdy kórmedim. Bekbolat Tileýhannyń tek shtatıvti ıterip jibergenin kórdim", - deıdi Danııar Seıfýllın.
Alaıda advokat Ásel Toqaevanyń lıftte naqty ne bolǵanyn suraǵanyna ol jaýap bere almady.
"Adyrna" ulttyq portaly
