Halyqaralyq qylmystyq sot Reseıdiń burynǵy qorǵanys mınıstri Sergeı Shoıgý men Reseı bas shtabynyń basshysy Valerıı Gerasımovty qamaýǵa alýǵa order berdi, dep habarlaıdy "Adyrna" ulttyq portaly VVS-ge siltep.
Qos sheneýnikke qatysty Ýkraınanyń energetıkalyq ınfraqurylymyna jasalǵan shabýyldar men beıbit turǵyndarǵa zııan keltirgeni úshin qamaýǵa alýǵa order berdi.
HQS buǵan deıin prezıdent Vladımır Pýtın men balalar ombýdsmeni Marııa Lvova-Belovany, sondaı-aq eki reseılik áskerı qolbasshyny qamaýǵa alýǵa order bergen bolatyn.
HQS baspasóz habarlamasy Shoıgý men Gerasımovqa taǵylǵan aıyptar 2022 jyldyń 10 qazanynan 2023 jyldyń 9 naýryzyna deıin bolǵan oqıǵalarǵa qatysty ekeni belgili boldy.
Sebebi burynǵy qorǵanys mınıstri jáne Reseı qarýly kúshteri bas shtabynyń bastyǵy azamattyq obektilerdi nysanaǵa alý boıynsha áskerı qylmysqa, sondaı-aq beıbit turǵyndarǵa shamadan tys zııan keltirýge baılanysty áskerı qylmysqa jaýapty degen boljam bar.
Buǵan qosa, olar «adamgershilikke jatpaıtyn áreketter túrindegi adamzatqa qarsy qylmys jasady» degen kúdikke ilingen.
«Eki kúdikti 2022 jyldyń 10 qazany men 2023 jyldyń 9 naýryzy aralyǵynda reseılik áskerı kúshterdiń Ýkraınanyń elektr energetıkalyq ınfraqurylymyna jasaǵan zymyrandyq shabýyldaryna jaýapty deýge negizdi negiz bar», - delingen sottyń baspasóz qyzmeti joldaǵan habarlamasynda.
"Osy ýaqyt ishinde Ýkraınanyń elektr stanııalary men qosalqy stanııalaryna kóptegen shabýyldar jasaldy", - dep tolyqtyrylǵan HQS málimdemesinde.
2023 jyldyń 17 naýryzynda HQS Reseı prezıdenti Pýtın men balalar ombýdsmeni Lvova-Belovany qamaýǵa alýǵa order bergen edi.
Biraq Reseı syrtqy ister mınıstrligi Gaagadaǵy halyqaralyq sottyń sheshimderiniń Reseı úshin zańdy kúshi joq ekenin málimdedi.
