Premer-mınıstr Oljas Bektenov Ózbekstanǵa jumys saparymen baryp qaıty, dep habarlaıdy "Adyrna" tilshisi.
14-15 naýryz kúnderi Ózbekstanda bolǵan Premer Tashkentte óziniń ózbekstandyq áriptesi Abdýlla Arıpovpen jáne prezıdent Shavkat Mırzıeevpen kezdesti.
Kezdesý barysynda eki el arasyndaǵy berik qarym-qatynastyń joǵary deńgeıde ózara syılastyq pen túsinistik negizinde qurylǵan strategııalyq yntymaqtastyqqa qalaı úlgi bolatyny talqylandy. Elder arasyndaǵy saýda ótken jyly 4,5 mıllıard dollarǵa jetken. Úkimetter birlesken ınvestıııalyq jáne ónerkásiptik jobalar arqyly bul kórsetkishti arttyrýǵa umtylýda.
Ózbekstan premer-mınıstri Abdýlla Arıpovpen resmı kelissózder barysynda ekonomıkalyq yntymaqtastyqty keńeıtý, ınvestıııa tartý, sý-energetıka, kólik jáne mádenıet salalaryndaǵy birlesken jobalar, sondaı-aq taýarlardyń kólemi men assortımentin ulǵaıtý arqyly aýyl sharýashylyǵy salasyn nyǵaıtý múmkindikteri qarastyryldy. .
Oljas Bektenov eki el basshylarynyń Qazaqstan men Ózbekstan arasyndaǵy yntymaqtastyq deńgeıin arttyrýǵa qatysty alǵa qoıǵan mindetterine toqtaldy.
Eske sala keteıik, 14 naýryz kúni Premer-mınıstr Oljas Bektenov jumys saparymen Túrkistan oblysyna bardy.
Úkimet basshysy aldymen Qoja Ahmet Iassaýı kesenesinde bolyp, tarıhı nysanda júrgizilip jatqan ǵylymı zertteý jumystarymen tanysty. Odan bólek, birneshe áleýmettik-ekonomıkalyq mańyzy bar nysandardy aralap, jańa jobalardyń qurylys barysyn kórdi.
