Bügın - ekı bırdei Olimpiada chempiony tuǧan kün. Bırı - Sidnei Olimpiadasynyŋ chempiony, boksşy Bekzat Sattarhanov, ekınşısı - suǧa jüzu sportynan Qazaqstan sport tarihynda tūŋǧyş altyn alǧan sportşy Dmitrii Balandin.
Bekzat Sattarhanov 1980 jyldyŋ 4 säuırınde Türkıstan qalasynda düniege kelgen. 20 jasynda Olimp tūǧyryn baǧyndyrǧan batyr tırı bolsa bügın 45 jasqa tolar edı.
Kışkentaiynda ata-anasy Bekzatty sport üiırmesıne berudı jön sanap, küres üiırmesıne jazdyrady. Alaida Bekzat kürestı qūp körmei, 1995 jyldan bastap bylǧary qolǧapqa qūmartqan.
Bekzattyŋ bokstaǧy ǧūmyry bar-joǧy bes jylǧa sozylǧan. Keibıreuler üşın jyldar boiy baǧynbai ketken Olimpiada biıgı Bekzatqa bes jyldyŋ ışınde būiyrǧany da taŋǧalarlyq jaǧdai. Ainaldyrǧan ekı jyldyŋ ışınde eresekter qūramasyna ötıp, 1998 jyly jastar arasyndaǧy älem chempionatynyŋ kümısın ielengen Sattarhanovtan Sidnei jüldesın kütkender az edı. Tıptı, olimp şyŋyn baǧyndyrady degen oi eşkımnıŋ tüsıne kırmegen edı.
Sidnei Olimpiadasynda ol älemnıŋ eŋ üzdık boksşylaryn jüldeden qaqty. Atap aitar bolsaq, alǧaşqy ainalymda rumyniialyq Ovidiu Bobirnatty 14:5 esebımen jeŋdı.
Ekınşı kezdesude Oŋtüstık Afrika Respublikasynyŋ ökılın 16:5 esebımen sürındırdı.
Sattarhanovtyŋ Sidneidegı eŋ basty jekpe-jegı dep Ramazan Palianimen ötken kezdesudı aituǧa bolady. Bükıl türık jūrtynyŋ ümıtı, Europa chempiony Palianidı 12:11 esebımen ūtqan soŋ, Bekzattyŋ myqtylyǧyn moiyndaityndar qatary köbeidı.
Jartylai finala marokkolyq Tamsamanidı 12 ūpai basymdyǧymen jeŋgen qazaq batyryn finalda basqa emes, 1999 jylǧy älem chempiony, amerikalyq Rikardo Huares kütıp tūrdy.
Äitse de, azuly amerikalyq ta Bekzatqa tısın batyra alǧan joq. Sidnei Olimpiadasynyŋ finalynda Sattarhanov Huarestı 22:14 esebımen taza jeŋıp, Qazaqstanǧa tarihi altyn jüldenı syilady.
Al Dmitrii Balandin 1995 jyly 4 säuır künı Almatyda düniege kelgen. Boiy 195, salmaǧy – 85 kelı. Suda jüzu sportymen 2003 jyly 8 jasynan bastap ainalysa bastaǧan. 2008-2012 jyldary Almatydaǧy sporttaǧy daryndy balalarǧa arnalǧan mektep-internatynda oqyǧan. Bügın sportşy 30-ǧa toldy.
