Shymkenttiń turǵyny Nursultan Jaqsybek 18 jasqa tolǵan týǵan kúnin saılaý ýaskesinde daýys berýden bastady.
– Men búgin 18 jasqa toldym. Saılaý 20 qarashada bolatynyn estigende, men sol kúni 18 jasqa tolamyn ǵoı dep oılap qoıyp edim. Dál sol kúni daýys bere alamyn ba dep surap aldym. Bere alady ekenmin. Týǵan kúnimniń elimizde bolyp jatqan tarıhı kúnmen tuspa-tus kelgenine qýanyshtymyn. Bul meniń ómirimde de este qalarlyq kún bolyp qalady, – dedi Muhtar Áýezov atyndaǵy Ońtústik Qazaqstan ýnıversıtetiniń stýdenti Nursultan Jaqsybek.
Aıta ketsek, Shymkent qalasynda ornalasqan 38 kolledj ben 8 joǵarǵy oqý ornynda Nursultan Jaqsybek sııaqty 120 myńnan astam stýdent bilim alyp jatyr. Olardyń ishinde 90 myńǵa jýyǵy daýys berý jasyndaǵy jastar.
Sonymen birge, Shymkent qalasynda 245 myńnan astam jas bar. Jastardyń bos ýaqytyn tıimdi paıdalaný, memlekettik baǵdarlamalardy túsindirý, túrli baǵyttaǵy jobalardy birlese atqarý úshin qalada tórt Jastar resýrstyq ortalyǵy jumys isteıdi.
«Shymkent kelbeti».
