Mıanmadaǵy zilzaladan qaza tapqandar sany 2886-ǵa jetti, dep habarlaıdy "Adyrna" ulttyq portaly.
Sonymmen qatar, 4,5 myń adam jaraqat alyp, 370 adam habar-osharsyz ketken.
Zardap shekken aımaqtarda Reseı, Qytaı, Úndistan jáne Sıngapýrdan kelgen jedel qutqarý toptarynyń qatysýymen izdestirý-qutqarý jumystary jalǵasýda. Qutqarýshylar 100 saǵattan astam ýaqyt úıindi astynda qalǵan adamdardy shyǵaryp jatyr.
Mıanmanyń astanasy Neıpıdodaǵy qonaqúı úıindileriniń astynan qutqarýshylar bir adamdy bes kúnnen keıin tiri alyp shyqty. Bul týraly eldiń órt sóndirý basqarmasy habarlady.
Qutqarýshylar onyń naqty densaýlyq jaǵdaıy týraly aqparat bergen joq. Alaıda taralǵan vıdeodan jas jigittiń aıtarlyqtaı jaraqat almaǵanyn baıqaýǵa bolady. Qutqarý jumystary jalǵasyp jatyr, biraq aman qalǵandardy tabýǵa úmit azaıyp barady.
Eske sala ketsek, 28 naýryzda Mıanma aýmaǵynda 7,7 magnıtýdaly jer silkinisi boldy. Soǵan baılanysty elde bir aptalyq ulttyq aza tutý jarııalandy. Jerasty dúmpýleri Úndistan, Taıland, Laos jáne Qytaıda da sezilgen.
