AQSh-tyń demokrat senatory Korı Býker prezıdent Donald Tramptyń «konstıtýııaǵa qaıshy» áreketterine qarsy 25 saǵattan astam ýaqyt boıy úzdiksiz sóz sóılep, Senat tarıhyndaǵy eń uzaq sóıleý rekordyn jańartty, dep habarlaıdy "Adyrna" ulttyq portaly France 24-ke siltep.
Býkerdiń marafondyq sózi dúısenbi keshinde bastalyp, kelesi kúnge deıin jalǵasqan. Ol sóılep turǵan kezde birde-bir ret otyrmaǵan jáne úzilis almaǵan. Onyń bul áreketi 1939 jylǵy «Mıster Smıt Vashıngtonǵa barady» fılmindegi atyshýly sahnany eske túsirdi.
Buǵan deıingi rekord 1957 jyly senator Strom Termondqa tıesili bolǵan. Ol azamattyq quqyqtar týraly zań jobasyna qarsylyq retinde 24 saǵat 18 mınýt boıy sóz sóılegen edi. Alaıda, Býker bul kórsetkishti basyp ozyp, AQSh Senatyndaǵy eń uzaq sóz sóılegen saıasatker atandy.
Óz sózinde senator Býker:
«Bul ońshyldar men solshyldardyń aıqasy emes. Bul durys pen burystyń aıyrmashylyǵy. Amerıka, seniń júregińde Konstıtýııa ómir súre me?» – dep málimdedi.
55 jastaǵy senator rekord ornatqannan keıin ázildedi.
«Men biraz ýaqyt bul týraly umytyp, bıologııalyq qajettilikterimdi óteýim kerek», – dep málimdedi.
Býkerdiń tarıhı sózi Respýblıkalyq partııanyń Senattaǵy daýys berý nátıjesine áser etpegenimen, onyń áreketi AQSh tarıhynda este qalarlyq sátterdiń biri boldy.
