Qytaı – álemde alǵash bolyp ushatyn taksılerdi kommerııalyq maqsatta paıdalanýǵa resmı ruqsat bergen el atandy, dep habarlaıdy "Adyrna" ulttyq portaly South China Morning Post-ke siltep.
Qytaıdyń Azamattyq avıaııa basqarmasy (CAAC) eki kompanııaǵa – EHang Holdings jáne Hefei Hey Airlines-ke pılotsyz ushatyn apparattardy jolaýshylar tasymaldaý úshin qoldanýǵa lıenzııa berdi. Bul ruqsat kompanııalarǵa qalalyq ekskýrsııalar jáne basqa da áýe logıstıka qyzmetterin kórsetýge múmkindik beredi.
Qazirgi ýaqytta bul naryqta eń ozyq apparat – tik ushatyn EHang EH216-S drony. Ol avtomatty túrde baǵytty belgilep, navıgaııa jasap, ózdiginen ushyp-qona alady. Degenmen, onyń áýede bolý ýaqyty 25 mınýttan aspaıdy, al salony nebári eki adamǵa arnalǵan.
Sondyqtan jaqyn arada qala ishinde ushatyn taksıler keńinen qoldanysqa enedi deýge erte. Qazirshe bul tehnologııa eksklıýzıvti qyzmet túri retinde qarastyrylyp otyr.
Qytaı bıligi bul salany strategııalyq mańyzdy baǵyttardyń biri dep tanyp, oǵan erekshe nazar aýdarýda. Ushatyn taksılermen qatar, elde júk drondary, dırıjablder men aeromobılderdi damytýǵa basymdyq berilýde. Bul salalar bıotehnologııa, kvanttyq esepteý, jasandy ıntellekt jáne 6G mobıldi jelilerimen qatar basym baǵyttar tizimine engizilgen.
Aıta keteıik, qala ishinde áýe kóligin paıdalaný ıdeıasy jańa emes. 1958 jyly Keńes Odaǵynda Sımferopol men Ialta arasynda tikushaq baǵyty iske qosylǵan. Búginde bul baǵytta álem boıynsha 300-ge jýyq kompanııa jumys isteıdi, al Qytaıdan bólek, Germanııa, Japonııa, Sıngapýr jáne BAÁ ushatyn taksı salasynda aldyńǵy qatarda tur.
