Qytai – älemde alǧaş bolyp ūşatyn taksilerdı kommersiialyq maqsatta paidalanuǧa resmi rūqsat bergen el atandy, dep habarlaidy "Adyrna" ūlttyq portaly South China Morning Post-ke sıltep.
Qytaidyŋ Azamattyq aviasiia basqarmasy (CAAC) ekı kompaniiaǧa – EHang Holdings jäne Hefei Hey Airlines-ke pilotsyz ūşatyn apparattardy jolauşylar tasymaldau üşın qoldanuǧa lisenziia berdı. Būl rūqsat kompaniialarǧa qalalyq ekskursiialar jäne basqa da äue logistika qyzmetterın körsetuge mümkındık beredı.
Qazırgı uaqytta būl naryqta eŋ ozyq apparat – tık ūşatyn EHang EH216-S drony. Ol avtomatty türde baǧytty belgılep, navigasiia jasap, özdıgınen ūşyp-qona alady. Degenmen, onyŋ äuede bolu uaqyty 25 minuttan aspaidy, al salony nebärı ekı adamǧa arnalǧan.
Sondyqtan jaqyn arada qala ışınde ūşatyn taksiler keŋınen qoldanysqa enedı deuge erte. Qazırşe būl tehnologiia ekskliuzivtı qyzmet türı retınde qarastyrylyp otyr.
Qytai bilıgı būl salany strategiialyq maŋyzdy baǧyttardyŋ bırı dep tanyp, oǧan erekşe nazar audaruda. Ūşatyn taksilermen qatar, elde jük drondary, dirijablder men aeromobilderdı damytuǧa basymdyq berılude. Būl salalar biotehnologiia, kvanttyq esepteu, jasandy intellekt jäne 6G mobildı jelılerımen qatar basym baǧyttar tızımıne engızılgen.
Aita keteiık, qala ışınde äue kölıgın paidalanu ideiasy jaŋa emes. 1958 jyly Keŋes Odaǧynda Simferopol men Iаlta arasynda tıkūşaq baǧyty ıske qosylǧan. Bügınde būl baǧytta älem boiynşa 300-ge juyq kompaniia jūmys ısteidı, al Qytaidan bölek, Germaniia, Japoniia, Singapur jäne BAÄ ūşatyn taksi salasynda aldyŋǧy qatarda tūr.
