2 säuırde Chehiianyŋ syrtqy ıster ministrı Iаn Lipavskii Reseidıŋ Chehiiada jalǧa alyp otyrǧan jyljymaityn mülıkterı üşın şamamen 4 million euro qaryzy bar ekenın mälımdedı, dep habarlaidy “Adyrna” ūlttyq portaly eadaily.com-ǧa sıltep.
Onyŋ aituynşa, Resei Chehiiada 80-nen astam nysandy jalǧa alady, bıraq tiıstı tölemderdı jasamaǧan.
Chehiia SIM-ne qarasty Diplomatiialyq qyzmet 2023 jyldyŋ şılde aiynda Praga qalalyq sotyna Reseige qarsy zaŋsyz baiu faktısı boiynşa şaǧym tüsırgen. Cheh tarapy 2,1 million eurodan astam qarajattyŋ soŋǧy üş jylda tölenbegenın alǧa tartyp otyr.
«Olar sosializm kezınde bauyrlastyq qarym-qatynastyŋ belgısı retınde jaldau aqysyn tölemegenın tüsınemın. Bıraq revoliusiiadan keiıngı 30 jyl ışınde de tölem jasalmauy – tüsınıksız jaǧdai», – dedı Lipavskii.
2023 jyldyŋ mamyrynda Chehiia ükımetı 1970-80 jyldary Keŋes Odaǧyna diplomatiialyq maqsatta tegın paidalanuǧa berılgen jer telımderıne qatysty toǧyz qaulynyŋ küşın joidy. Keiın Chehiia SIM tekserıs jürgızıp, Reseidıŋ 42 ǧimaratqa ielık etetının, bıraq olardyŋ köpşılıgı diplomatiialyq maqsatta qoldanylmaitynyn anyqtaǧan.
2023 jyldyŋ qaraşasynda Chehiia ükımetı reseilık memlekettık mülıktı basqarumen ainalysatyn käsıporyndy sanksiialyq tızımge qosty. Būl şeşım Reseidıŋ Chehiiadaǧy memlekettık aktivterın ıs jüzınde būǧattaudy bıldıredı, alaida ol elşılık ǧimarattaryna qoldanylmaidy.
Ūqsas jaŋalyqtar
