Qazaqstannyń úsh iri qalasy – Astana, Almaty jáne Shymkent ákimdikteri Naýryz merekesin atap ótýge qomaqty qarajat jumsady, dep habarlaıdy "Adyrna" ulttyq portaly Tengrinews.kz-ke siltep.
Astanada merekelik is-sharalardy qarjylandyrý aýdan ákimdikteri arqyly júzege asyryldy. Jalpy, qala boıynsha Naýryzdy toılaýǵa 366,4 mıllıon teńge bólingen. Alaıda memlekettik satyp alý portalyndaǵy keıbir tenderler shyǵyndardyń budan da joǵary bolýy múmkin ekenin kórsetedi. Mysaly, Saraıshyq aýdany kósheler men alańdardy bezendirýge 827 mıllıon teńge, al Saryarqa aýdany merekelik bezendirý jáne shaǵyn sáýlettik nysandar ornatýǵa 405,8 mıllıon teńge bólgen.
Almatyda Naýryz merekesin uıymdastyrýǵa mádenıet basqarmasy jaýapty boldy. Memlekettik satyp alý portalynyń málimetteri boıynsha, Naýryz qarsańynda 555,8 mıllıon teńgege 8 tender ótkizilgen. Bul qarjy konertter men jármeńkelerdi uıymdastyrýǵa, sahna qurylysyna, sáýlettik nysandar men týlar ornatýǵa, dybystyq jáne jaryqtandyrý jabdyqtaryna jumsalǵan. Alaıda qala ákimdigi bul shyǵyndardy resmı túrde rastaǵan joq jáne aqparattyń naqtylanýyna eki aı ýaqyt qajet ekenin habarlady.
Shymkentte merekeni uıymdastyrýǵa mádenı-kópshilik is-sharalardy uıymdastyrý dırekııasy men aýdandyq ákimdikter jaýapty boldy. Negizgi shyǵyndar gala-konertke, otshashýǵa, áýe sharlary men kıiz úıler ornatýǵa baǵyttaldy. Bastapqyda ákimdik Naýryzǵa 132,6 mıllıon teńge bólingenin habarlady, biraq keıin qosymsha bezendirý jumystaryna taǵy 12,8 mıllıon teńge jumsalǵany anyqtaldy. Osylaısha, Shymkent boıynsha jalpy shyǵyn 156,5 mıllıon teńgeni qurady.
