Qazaqstannyń Birikken Arab Ámirlikterindegi elshiliginiń burynǵy keńesshisi Sáken Mamash Astanada ustaldy. Bul aqparatty Astananyń polıııa departamenti rastady, dep habarlaıdy “Adyrna” ulttyq portaly.
“Ótken jyly elshi keńesshisiniń burynǵy kómekshisine qatysty jubaıyn júıeli túrde soqqyǵa jyqqany boıynsha qylmystyq is qozǵaldy. Polıııa tarapynan jedel-tergeý toby qurylyp, oqıǵanyń barlyq mán-jaıyn anyqtaý úshin qajetti saraptamalar kesheni júrgizildi. Aıtarlyqtaı dáleldemeler jınalyp, bekitildi. Tergeý nátıjesinde kúdikti Sáken Mamashqa qatysty tergeý soty ony qamaýda ustaý túrindegi bultartpaý sharasyn tańdady. Tergeý múddesi úshin aldyn ala tergeýdiń basqa derekteri jarııa etilmeıdi”, deıdi PD ókili Ulysmedıaǵa.
Eske salsaq, 2024 jyldyń mamyr aıynda Karına Mamash «Ne molchı» qoǵamdyq qorynyń áleýmettik paraqshasynda úndeý jarııalap, Syrtqy ister mınıstrliginde dıplomat bolyp qyzmet etetin kúıeýinen zorlyq-zombylyq kórgenin aıtty.
Bul jaǵdaıdan keıin SIM dıplomattyń dereý elge qaıtarylyp, tergeletinin málimdedi. Al 10 mamyrda elge qaıtarylǵan sheneýniktiń ústinen qylmystyq is qozǵalǵany habarlandy.
