Akter Şärıp Serık Äliia Böteevaǧa qol kötergenı üşın keşırım sūrady. Ol özınıŋ Instagram paraqşasynda arnaiy video jariialady, dep habarlaidy “Adyrna” ūlttyq portaly.
«Men qaskünemdık jasadym. Ol üşın zaŋ boiynşa barlyq jazany öteuge daiynmyn. Menıŋşe, köpşılıgıŋızge ūrys kezınde bolatyn aşu, zūlymdyq degen reaksiia tanys şyǧar. Menıŋ jasaǧanymdy qaitalamaŋyzdar, qol kötermeŋızder», – deidı ol.
Akter Äliia Böteevaǧa şapalaq bergenın de moiyndap, ol üşın boijetkennen jäne ata-anasynan keşırım sūrady.
Aita keteiık, akterdıŋ liftıge kırıp bara jatqan Äliiany qolynan jūlqylap, tartyp alyp ketıp bara jatqany körsetılgen videony boijetkennıŋ özı jariialaǧan bolatyn. Osydan keiın tanymal tūlǧalar, äleumettık jelı oqyrmandary Böteevaǧa ülken qoldau bıldırdı.
Būl jaǧdaidan keiın Salem Entertainment akter tüsken serialdardy toqtatty. «Patrul» serialyndaǧy Şärıp oinaǧan sahnalardy da alyp tastamaqşy. Keibır kompaniialar Şärıppen jarnamalyq kelısım-şartty üzgenın de habarlady.
Ūqsas jaŋalyqtar
