Işkı ıster ministrlıgı Mäjılıstıŋ eks-spikerı Nūrlan Nyǧmatulinnıŋ ūly Nūrjan Nūrlanovqa qatysty tergeu jürgızıp jatqanyn mälımdedı, dep habarlaidy "Adyrna" ūlttyq portaly.
IIM taratqan aqparatqa säikes, qylmystyq ıs QR Qylmystyq kodeksınıŋ 389-baby – "Öz betınşe bilık etu" boiynşa tırkelgen. Tergeudı Almaty qalalyq polisiia departamentınıŋ tergeu basqarmasy jürgızude.
"Qazırgı uaqytta ıstıŋ män-jaiyn jan-jaqty, tolyq jäne obektivtı zertteu üşın tiıstı tergeu äreketterı jalǧasyp jatyr", - dep habarlady IIM baspasöz qyzmetı.
Aita keteiık, būǧan deiın Mäjılıstıŋ eks-spikerı Nūrlan Nyǧmatulinnıŋ aǧasy Arǧyn Nyǧmatulinge ızdeu jariialanǧan bolatyn. 3 nauryzda tırkelgen ızdeu ısın sybailas jemqorlyqqa qarsy ıs-qimyl agenttıgı jürgızıp jatyr.
Bas prokuraturanyŋ habarlauynşa, Arǧyn Nyǧmatulin men özge de tūlǧalarǧa qatysty Qaraǧandy oblysynda hokkeidı damytuǧa bölıngen biudjet qarajatyn jymqyru deregı boiynşa ıs qozǧalǧan.
Arǧyn Nyǧmatulin 1955 jyly Qaraǧandy qalasynda düniege kelgen. 2006 jyldan bastap «Saryarqa» hokkei kluby kommunaldyq memlekettık käsıpornynyŋ direktory qyzmetın atqarǧan. Sonymen qatar, Qaraǧandy oblystyq mäslihatynyŋ bırneşe şaqyrylymynyŋ deputaty bolǧan. Būǧan deiın Şyǧys Qazaqstan oblysynyŋ ädılet ministrlıgı Tırkeu qyzmetı komitetınıŋ «Jyljymaityn mülık ortalyǧyn» basqarǧan.
Ūqsas jaŋalyqtar
