Qazaqstan Prezidentı Qasym-Jomart Toqaev Europa Odaǧynyŋ Syrtqy ıster jäne qauıpsızdık saiasaty jönındegı Joǧarǧy ökılı – Europalyq komissiianyŋ vise-prezidentı Kaia Kallaspen kezdestı. Būl turaly Aqordanyŋ baspasöz qyzmetı jariialady, dep habarlaidy “Adyrna” ūlttyq portaly.
Kezdesude Qazaqstannyŋ Europa Odaǧymen sanqyrly yqpaldastyǧynyŋ perspektivasy talqylandy. Sauda-ekonomikalyq yntymaqtastyqtyŋ maŋyzdy baǧyttaryna, atap aitqanda, energetika, önerkäsıp, sifrlandyru, sondai-aq Transkaspii halyqaralyq kölık dälızın damytudy közdeitın ırı infraqūrylymdyq jobalardy jüzege asyru mäselelerıne erekşe män berıldı.
Kezdesude Qazaqstannyŋ Europa Odaǧymen sanqyrly yqpaldastyǧynyŋ perspektivasy talqylandy. Sauda-ekonomikalyq yntymaqtastyqtyŋ maŋyzdy baǧyttaryna, atap aitqanda, energetika, önerkäsıp, sifrlandyru, sondai-aq Transkaspii halyqaralyq kölık dälızın damytudy közdeitın ırı infraqūrylymdyq jobalardy jüzege asyru mäselelerıne erekşe män berıldı.
Kaia Kallastyŋ aituynşa, Qazaqstan Europa Odaǧymen serıktestık jäne yntymaqtastyq jönındegı kelısımge qol qoiǧan aimaqtaǧy alǧaşqy elderdıŋ bırı. Būl ekıjaqty qarym-qatynastyŋ deŋgeiı joǧary ekenın körsetedı. Ol Europalyq komissiia men Qazaqstan arasynda viza beru tärtıbın jeŋıldetu jönındegı kelısımdı bekıtu üderısı bastalǧanyn mälımdedı.
Memleket basşysy qazaqstandyqtar atalǧan jaŋalyqty öte jyly qabyldaǧanyn atap ötıp, būl qadam europalyq eldermen jeke jäne ıskerlık qatynastardy nyǧaituǧa mol mümkındık beretının aitty.
Būdan bölek, Qasym-Jomart Toqaev pen Kaia Kallas halyqaralyq jäne öŋırlık kün tärtıbındegı özektı taqyryptar jönınde pıkır almasty.
Memleket basşysy jahandyq tūraqsyzdyqty eskere otyryp, älemde bolyp jatqan kürdelı oqiǧalarǧa baǧa berude baiyptylyq pen jauapkerşılık tanytudyŋ airyqşa maŋyzǧa ie ekenıne toqtaldy. Prezidenttıŋ pıkırınşe, Qazaqstan barlyq özektı halyqaralyq mäseleler men qaqtyǧystardy diplomatiialyq kelıssözder arqyly şeşudı berık ūstanady.
Qasym-Jomart Toqaev biyl qūrylǧanyna 80 jyl tolǧan BŪŪ-nyŋ älı de ämbebap ärı balamasy joq ūiym sanalatynyn jetkızdı. Sonymen qatar barlyq memleketter qūrylym Jarǧysy men älem elderı moiyndaǧan halyqaralyq qūqyq qaǧidattaryn saqtauǧa tiıs dep sanaidy.
Kezdesude sondai-aq «Ortalyq Aziia – Europa Odaǧy» formatyndaǧy yqpaldastyqtyŋ jai-küiı qaraldy.
Aita ketsek, Toqaev «Ortalyq Aziia» halyqaralyq önerkäsıptık kooperasiiasyna qatysty zaŋǧa qol qoiǧan edı.
