Qasym-Jomart Toqaev Bolgarııa halqyna quttyqtaý jedelhatyn joldady, dep habarlaıdy "Adyrna" tilshisi Aqordaǵa siltep.
Prezıdent Bolgarııa basshysy Rýmen Radevti Azat etý kúnimen quttyqtady.
"Búginde Bolgarııa Eýropa Odaǵynyń belsendi múshesi retinde óziniń turaqty damý jáne halyqaralyq qaýymdastyqtaǵy bedelin arttyrý jolynda eleýli jetistikterge qol jetkizip keledi. Osy tusta Sizdiń kóshbasshylyǵyńyzben elińiz bıik maqsat-murattarǵa jete berýine tilektespin. Astana men Sofııa arasyndaǵy dástúrli dostyq pen ózara qoldaýǵa negizdelgen yntymaqtastyqtyń aıasy jyldan-jylǵa keńeıip kele jatqanyn rızashylyqpen atap ótemin. Birlesken kúsh-jigerimizdiń arqasynda elderimizdiń san qyrly baılanystary bolashaqta odan ári nyǵaıa túsetinine senimdimin", – dep jazylǵan jedelhatta.
Bul kúni Bolgarııa Osmanly qamytynan bosatylǵan kúni eldi mekenderdiń kóshelerine óz ótkeninen bas tartqysy kelmeıtin adamdardyń edáýir bóligi shyǵady. Olar orys jáne bolgar jalaýlaryn kóterip, sham jaǵyp, eskertkishterge gúl shoqtaryn qoıyp, tize búgedi.
