Aqmola oblysynyń veterınarııa salasy zaman talabyna saı ıfrlandyrý baǵytyn qolǵa aldy. Búginde óńirde VetLab, RPO, Proessıng ortalyq, VSE, ISZH-mobil, TortTulik syndy alty jańa modýl pılottyq rejımde jumys istep jatyr. Bul júıeler veterınarııalyq proesterdi jeńildetip, mamandardyń jumysyn jedel ári tıimdi etýge múmkindik beredi.Bul týraly Aqmola oblysy veterınarııa basqarmasy basshysynyń mindetin atqarýshy Aǵybaı Syzdyqov brıfıngte málim etti, dep habarlaıdy Óńirlik kommýnıkaııalar qyzmetinen.
Sońǵy úsh jylda veterınarlardyń jalaqysy eki ese ósip, jas mamandardyń kelýine jol ashyldy. Degenmen aýyldyq jerlerde kadr tapshylyǵy bar. Aımaqta veterınarııalyq mamandarmen qamtylý deńgeıi 77% quraıdy. Keıbir aýdandarda bul kórsetkish 29%-ǵa deıin tómendegen. Osy máseleni sheshý úshin Qatarkól kolledji mamandar daıarlaýdy kúsheıtip, 14 mamyrda bos oryndar jármeńkesin ótkizýdi josparlap otyr.
«Veterınarııany ıfrlandyrý aýyl sharýashylyǵy ónimderiniń eksporttyq áleýetin arttyrýǵa da oń áserin tıgizýde. Aımaqta brýellezge qarsy kúres kúsheıtilip, 2024 jyly tek bir ǵana oshaq tirkelgen. Bul kórsetkish ótken jylmen salystyrǵanda birneshe ese tómen», - deıdi spıker.
2025 jylǵa oblystyq bıýdjetten 4,3 mlrd teńge bólinip, mal aýrýlaryn anyqtaý, vakınaııalaý, janýarlardy sáıkestendirý jáne qańǵybas ıt-mysyqtardy baqylaý sharalary jalǵaspaq. Sonymen qatar, 3 mobıldi ınsınerator, 20 qyzmettik avtokólik, 236 planshet pen 25 kompıýter satyp alý josparlanǵan.
Búginde veterınarııalyq qaýipsizdik tek mal sharýashylyǵy úshin ǵana emes, adamdardyń densaýlyǵy úshin de mańyzdy. Sebebi, Dúnıejúzilik densaýlyq saqtaý uıymynyń derekterine súıensek, jańa ınfekııalyq aýrýlardyń 70%-y adamǵa janýarlardan juǵady. Sondyqtan Aqmola oblysynyń veterınarııalyq basqarmasy halyqaralyq sarapshylarmen birlese otyryp, aýrýlardyń aldyn alý sharalaryn jetildirýde.
«Aqmola oblysynyń veterınarııa basqarmasy óńirdegi epızootıkalyq turaqtylyqty saqtaý jáne veterınarııalyq qyzmettiń sapasyn arttyrý baǵytynda júıeli túrde jumys júrgizýde. Veterınarııa salasyndaǵy jańashyldyqtar aýyl sharýashylyǵynyń damýyna oń áserin tıgizip, turǵyndar úshin qaýipsiz azyq-túlik ónimderin óndirýge múmkindik beredi», - dep túıindedi Aǵybaı Syzdyqov.
