Qaznette olıgarh Aleksandr Mashkevıch pen Aqtóbe oblysynyń ákimi Eraly Toǵjanovtyń qushaqtasyp kele jatqan vıdeosy keń tarap ketti, dep jazady "Adyrna" ulttyq portaly.
Jelini shýlatqan vıdeo Aqtóbe qalasynda túsirilgeni belgili boldy.
Aqtóbe oblysy ákimdiginiń habarlaýynsha, 8 qarashada Aqtóbedegi Jeńis alleıasy qaıta jóndelip, halyq ıgiligine berilgen.
"Saltanatty sharaǵa oblys ákimi Eraly Toǵjanov, ERG Dırektorlar keńesiniń tóraǵasy Aleksandr Mashkevıch, ardagerler men yqshamaýdannyń turǵyndary qatysty. Aqtóbe oblysy ákimdigi men ERG arasyndaǵy ózara yntymaqtastyq týraly memorandým aıasynda Jeńis alleıasyn jóndeýge 90 mıllıon teńgeden astam qarjy bólindi", - delingen resmı habarlamada.
Toǵjanov shara barysynda "oblystyń gúldenýine qosqan úlesi úshin" Mashkevıchke alǵys aıtty.
«Bul — bizdiń óńirde júzege asyrylyp jatqan jáne aldaǵy ýaqytta ERG kompanııasymen birlesip atqarýdy josparlap otyrǵan iri jobalardyń bir bóligi ǵana. Men oblystyń gúldenýine qosqan úlesi úshin Aleksandr Mashkevıchke jáne kompanııanyń Aqtóbedegi kásiporyndarynyń barlyq qyzmetkerlerine alǵys aıtamyn. Óńir turǵyndaryna jaıly demalys oryndaryn qurý, qalany abattandyrý jumystary jalǵasa beredi», — dedi Toǵjanov.
Mashkevıch bolsa Aqtóbe oblysyna dál Toǵjanovtyń kelgenine qýanyshty ekenin jetkizdi.
«Aqtóbe oblysynyń ákimi bolyp Eraly Toǵjanovtyń taǵaıyndalǵanyna qýanyshtymyz. Aldaǵy ýaqytta óńirdiń áleýmettik damýy, halyqtyń ómir súrý sapasyn arttyrýdaǵy yntymaqtastyǵymyz jemisti bolatynyna senimdimin. Qaladaǵy yqshamaýdandy jańartý men túrlendirý baǵytyndaǵy jumystarymyz munymen aıaqtalmaǵanyn jetkizgim keledi», — dedi Aleksandr Mashkevıch.
