Batys Qazaqstan oblysy aumaǧynda ūşqyşsyz ūşu apparatynyŋ qūlaǧany turaly aqparat tarady, dep habarlaidy «Adyrna» tılşısı.
Oblystyq polisiia departamentınıŋ mälımetınşe, qazırgı uaqytta uäkılettı qyzmettermen bırlesıp, Aqjaiyq audanynda ūşqyşsyz ūşu apparatynyŋ synyqtaryna ūqsas zattardyŋ tabyluyna bailanysty tekseru şaralary jürgızılıp jatyr.
«Atalǧan nysan eldı mekennen tys jerde tabyldy. Oqiǧanyŋ barlyq män-jaiy anyqtaluda»,– dedı departamenttıŋ baspasöz qyzmetı.
Tūrǧyndardyŋ aituynşa, ūşqyşsyz ūşu apparaty Qarauyltöbe auylynyŋ maŋyna qūlaǧan.
Būl öŋırdegı alǧaşqy jaǧdai emes. 2025 jyldyŋ küzınde Börlı audanyndaǧy Qyzyltal auyly maŋynda jauyngerlık zariad ornatylǧan dron jarylyp, oqiǧa ornynda şūŋqyr qalǧan. Sol kezde körşıles Orynbor oblysynda äue dabyly jariialanǧan. Būǧan deiın de osyndai oqiǧalar tırkelgen. Nauryz aiynda Jänıbek jäne Tasqala audandarynda, al bır ai būryn Bökeiorda audanynda drondardyŋ qūlauy baiqalǧan.
