Pavlodar oblysynyń Sholaqsor aýylyn sý basýy múmkin. Bul Pavlodarnews.kz basylymy jazdy, dep habarlaıdy “Adyrna”.
Aqparatqa sáıkes, Sileti sý qoımasyn áýeden tekserildi.
Áýeden baqylaý Sileti sý qoımasyna quıylatyn jáne aǵyp shyǵatyn sýlardyń aǵynyn eskere otyryp, jınalǵan sýdyń kólemine taldaý jasaýǵa múmkindik berdi. Búgingi tańda sý qoımasynda jınalǵan sýdyń kólemi 201 mln tekshe metrdi nemese 87% quraıdy.
Aqmola oblysyndaǵy Sileti sý qoımasynan jiberiletin sýdyń ulǵaıý qaýpine baılanysty bıylǵy sý tasqyny maýsymynda Sholaqsor aýylyn sý basý múmkin degen qaýip bar.
Barlyq sý basý qaýpi bar ýchaskeler tekserilip, Sileti ózeninde sanıtarlyq sý jiberý daıyndyǵy, sondaı-aq, barlyq sý tasqynyna qarsy is-sharalardy ótkizý úshin kelgen kúshter men azamattyq qorǵaý qyzmeti toptarynyń daıyndyǵy zerdelendi.
Aıta keteıik, aımaq aýmaǵynda sý tasqyny kezeńine táýlik boıy baqylaý júrgizilýde, barlyq qajetti kúshter men quraldar jumyldyryldy.
