Abai oblysynda Ūlystyŋ ūly künı — Nauryz meiramy biyl keŋ kölemde jäne erekşe formatta atap ötılude.
Toi-duman tek 22 nauryzben şektelmei, merekenı ūlttyq jaŋǧyru kezeŋıne ainaldyru maqsatynda Memleket basşysy 2024 jyly bekıtken «Nauryznama» tūjyrymdamasyna säikes Nauryznama onkündıgı aiasynda ūiymdastyryldy. Būl künderı öŋırde ūlttyq salt-dästürlerımız jaŋǧyryp, mädeni, qaiyrymdylyq jäne aǧartuşylyq ıs-şaralar ötkızıldı.
Oblys ortalyǧy — Semei qalasyndaǧy Nauryz meiramynyŋ şaralar legı ortalyq alaŋda «Qūtty bolsyn, äz Nauryz!» teatrlandyrylǧan qoiylymymen bastaldy. Teatrlandyrylǧan qoiylym barysynda «selt etkızer», «at tergeu», «körısu», «alastau» räsımderı halyq nazaryna ūsynyldy.
Abai oblysynyŋ äkımı Berık Uäli öŋır jūrtşylyǧyn Nauryz meiramymen qūttyqtady.
«Memleket basşysy «Babalarymyz ejelgı zamannan berı Ūlys künın jyl basy retınde atap ötken. Qazır Äz-Nauryz küllı halyqqa ortaq, jalpyūlttyq merekege ainaldy. Ony ūltyna, dınıne qaramastan barşa jūrtymyz erekşe kütedı, bırge atap ötedı» - dep aitqandai, Nauryz — barşa qazaqstandyqtardyŋ süiıktı meiramy. Ol halqymyzdyŋ bolmysy men dünietanymyn, bırlıgı men tatulyǧyn aişyqtaityn, adamzatqa ortaq ızgılık qūndylyqtaryn därıpteitın erekşe kün» dedı aimaq basşysy.
Oblys äkımı qūttyqtau sözınde 11 nauryzda Prezident qabyldauynda bolǧanda Memleket basşysy öŋırdıŋ özektı mäselelerıne köŋıl bölıp, tiıstı tapsyrmalar bergenın jetkızdı. Prezidenttıŋ qoldauymen Semei qalasynda oblystyq auruhana, jaŋa teatr salynady. Semeidegı Oquşylar saraiynyŋ qūrylysyn aiaqtauǧa 8,6 milliard teŋge qarjy bölınedı.
«Sondai-aq, ūly Abaidyŋ 180 jyldyǧyna tartu retınde, elımızdıŋ är öŋırı oblysymyzǧa syilyq jasap, äleumettık nysandardy jaŋartu-jaŋǧyrtuǧa kömektesuın ötıngen ūsynysymyzdy el Prezidentı qoldady. Qazırdıŋ özınde keibır oblystar yqylasyn bıldırıp, habarlasa bastady. Būiyrsa biyl jaz boiy Semei qalasy ülken qūrylys alaŋyna ainalady. Mūnyŋ bärı öŋırımızdıŋ eŋsesın köterıp, damuyn jedeldete tüspek. Abai oblysy halqynyŋ qoldauymen alda talai auqymdy jobalardy atqaryp, öŋırdı bırge körkeitemız dep senemın. Öŋırımız qaşanda ūlttyq qūndylyqtardy köz qaraşyǧyndai qasterlep, ata däsür men zaman damuyn ūştastyryp kele jatqan jaqsylyqqa qūştar, jaŋalyqqa aşyq aimaq. Ūly Abaidyŋ mekenı, Abaidyŋ ızgı jolyn jalǧastyrǧan alaş arystarynyŋ ortalyǧy bolǧan qasiettı jer. Ūlystyŋ ūly künınde är şaŋyraqqa qūt-bereke, amandyq, yrys-nesıbe tıleimın. Nauryznama onkündıgı igı bastamalarǧa serpın bersın. Ūlyq meiram jaqsylyǧymen kelıp, eldıgımızdı nyǧaityp, mereiımızdı ösırsın» dedı aimaq basşysy.
Nauryz meiramyna orai oblys boiynşa 300-ge juyq kiız üi tıgıldı. Onyŋ 50-den astamy Semeidıŋ ortalyq alaŋy, qalanyŋ Qaraǧaily, Äuezov alaŋy men temırjol vokzaly, Silikat, Terı-bylǧary zauyty audandary, Şyǧys, Bobrovka jäne Iýnost kentterınde ornalastyryldy. Är kiız üige Abai auyly, Şäkärım auyly, Dostyq auyly, Meiırım auyly, Önerpazdar auyly, Ruhaniiat auyly, Bılım ordasy, Ardagerler auyly, Şapaǧat, Jasyl el, Tabys, Bolaşaq, Säulet, Zaŋ men tärtıp, Auylym – altyn besıgım, B.Momyşūlynyŋ tuǧanyna 110 jyl, N.Tılendievtıŋ tuǧanyna 100 jyl, Ş.Qaldaiaqovtyŋ tuǧanyna 95 jyl, I.Esenberlinnıŋ tuǧanyna 120 jyl, Ş.Äbenovtıŋ tuǧanyna 125 jyl, J.Näjımedenovtıŋ tuǧanyna 90 jyl, QR Konstitusiianyŋ 30 jyldyǧy degen arnaiy ataular berılgen.
Oblys äkımı ortalyq alaŋdaǧy kiız üilerdı aralap, Nauryz meiramynyŋ basty oqiǧasy – tūsaukeser räsımıne qatysty. Ūly Abaidyŋ 180 jyldyq mereitoiyna orai öŋırde bır mezette 180 bala jaŋa ömırge qadam basty. Al Semeide aimaq basşysy ziialy qauym, mädeniet, bılım, sport, käsıpkerlık, basqa da sala ökılderımen bırge 40-qa juyq büldırşınnıŋ tūsauyn kestı.
22 nauryz künı merekelık şaralar oblystyŋ barlyq audandary men qalanyŋ barlyq şaǧyn audandaryn qamtydy. Semei qalasy Nauryzdy keŋ kölemde atap ötu üşın mazmūndy baǧdarlama äzırledı. Ortalyq alaŋda qolöner körmelerı, ūlttyq oiyndar, sporttyq jarystar, fotoaimaqtar daiyndaldy.
Merekenıŋ körkın keltırgen şaranyŋ bırı - kompozitor Nūrǧisa Tılendievtıŋ 100 jyldyǧyna orai jüz jas dombyraşynyŋ sazger şyǧarmalaryn bır mezgılde oryndauy. Būl jūrtşylyqqa muzyka men tarihi taǧylymǧa toly erekşe atmosfera syilady.
Semeilıkter men qala qonaqtary ortalyq alaŋda qazaqstandyq estrada jūldyzdary «Alaşūly», «MuzArt» toby men Ä.Qaşaubaev atyndaǧy memlekettık filarmoniiasynyŋ, qalalyq mädeniet saraiy änşılerınıŋ önerın tamaşalady.
Keşkı baǧdarlama aiasynda «Alaşūly» toby, «Ädemı-ai» duetı men Qairat Nūrtas, jergılıktı önerpazdar öner körsetetın bolady.
Ūqsas jaŋalyqtar
