Naýryz merekesinde biriniń ústine biri minbelep, aq dastarhandaǵy adal asty erekshe qarqynmen "talan-tarajyǵa" salǵan Qazaq eli turǵyndarynyń vıdeolary álemdi sharlap ketti. Palaýǵa talasqan turǵyndardyń áreketin sheteldikter de kórip, jaǵasyn ustaǵan. Jýrnalıst Ońǵar Qabden mundaı "meshkeılik" jaıyn sheteldik dostary aıtqanda uıattan jerge kirerge tesik tappaǵanyn jetkizdi, dep habarlaıdy "Adyrna" ulttyq portaly.
Bul jaıly jýrnalıst Ońǵar Qabden:
- Ótkende paraqshamnan Ýkraınadan Aida Khametzhanova jibergen vıdeony bárińiz kórdińizder. Qazaqtar tikken kıiz úıdiń qasynda ýkraın jigiti ózine bergen bir tarelka palaýdan eki-úsh qasyq jeıdi de, qalǵanyn kishkentaı qyzyna beredi.Qazannyń qasyndaǵy palaý salyp turǵan aǵaı "kel, taǵy da salyp bereıin. Palaý bar áli" dese ana jigit, "men ózimdikin aldym ǵoı. Qazandaǵy ol basqalarynyń nesibesi" dep jaýap beredi. Sol kezde qatty tań qalyp edim. Kóz aldyma Bolattyń bergen palaýyna talasqan ózimizdiń halyq kelip, qatty yńǵaısyzdanǵanmyn.Sosyn ózimizdi solarmen salystyryp soǵys bolyp jatsa da ary men namysyn joımaǵan halyq eken súısingenmin, - dep Ońǵar Qabden Ýkraına turǵyndarynyń ustamdylyǵyn sóz etedi. Keıinnen ony Naýryz merekesindegi turǵyndardyń "ashkózdigimen" salystyrady.- Keshegi "palaý talasty" kórip jylaǵym keldi. Qudaı-aý otyz jylda ne bolyp ketkenbiz?Halyq ash, jalańash dep aqtamaı-aq qoıyńyzdar. Bir tarelke tamaq úshin Afrıkanyń ózinde bulaı talaspaıdy.Tegin tamaq, tamaq taratý degen akııany toqtatý kerek. Jetimder úıine, qarttar úıine baryp iste. Meshitke aparyp qatymhanasyna jaı dastarhandy. Adam qusap otyryp jesin. Ne mynaý? Palaýǵa talasqan qazaqtardyń vıdeosy álemdi sharlap ketti.Baǵana Ýkraınadan habarlasqan jigitter shok bolyp jatyr. Ne aıtarymdy da bilmedim, - dep qapalandy jýrnalıst.
Oqyrmandar Ońǵar Qabdendi qostady:
"Besikten bastap túzetpese, mynadaı "mádenıetpen" el bolý qıyn";
"Qaıyrymdylyqty kórsetip jasamasyn. Bul 1-2-den tamaqqa toıdyryp, úı áperý emes, ıaǵnı balyq emes, qarmaq berýdi bastaıyq. Jumys kózin ashsyn. Tıyndap sbordan jmnap bolsa da jumys kózin ashý, ne jumysqa úıretetin kýrstarǵa oqytyp, kásip bastatyp pa!?";"Óz basym tegin úı salyp, alyp bergendi qoldamaımyn. Sony kórgen balasy masyl bolady. 100%. Bala kórgenin jazyp alady mıyna. Al olardy mine, myna balalary bar dep shıtteı balalardy ekranǵa shyǵarý ol tipti masqara";
"As pen toıda da dastarhandy sypyryp ketedy ǵoı";
"Durys aıtasyń! “Patshasy quzǵyn bolǵan eldiń, basshylary azǵyn, halqy tozǵyn?!” - bolǵannyń keri kelip tur bizdiń elge?! Moıyndaý kerek! Rýhanı jaǵynan azý ǵoı bul?! Eski jurtbasy qurǵan júıeni túgel qurtyp, Bir Allaǵa sıynyp, bárin de qaıtadan bastaý kerek!" dep jazdy oqyrmandar.
