Qytaıda úshinshi jyl qatarynan halyq sanynyń azaıýy baıqalady. Hohhot bıligi týý kórsetkishin qarjylyq tólemder men analarǵa tegin sút arqyly qoldaýǵa sheshim qabyldady. Bul týraly Qytaıdyń memlekettik portaly Zhōngguó Wǎng jazdy, dep habarlaıdy “Adyrna” ulttyq portaly.
Hýh-Hoto qalasynda ata-analar birinshi bala týǵany úshin bir rettik 10 myń ıýan (qazirgi baǵam boıynsha shamamen 688 myń teńge) kóleminde qarjylaı kómek alady. Ekinshi bala úshin jyl saıyn 10 myń ıýan tólenedi, bala bes jasqa tolǵansha, al úshinshi bala úshin tólemder on jasqa deıin jalǵasady. Bul somalar jergilikti turǵyndardyń ortasha tabysynan aıtarlyqtaı joǵary.
Sonymen qatar, qalada "Analarǵa arnalǵan bir shyny sút" baǵdarlamasy iske qosyldy. 1 naýryzdan keıin bosanǵan áıelder kún saıyn tegin sút ala alady.
Qytaı úshinshi jyl qatarynan halyq sanynyń tómendeýin tirkep otyr. 2024 jyly neke sany rekordtyq túrde 20%-ǵa qysqardy. Sarapshylar demografııalyq daǵdarysty 1980-2015 jyldar aralyǵynda engizilgen "bir bala" saıasatynyń saldarymen, ýrbanızaııamen jáne balalardy tárbıeleýge ketetin joǵary shyǵyndarmen baılanystyrady. 2021 jyly qytaı otbasylaryna úsh balaǵa deıin týýǵa ruqsat berildi, biraq bul jaǵdaıdy ózgertý úshin jetkiliksiz boldy.
Naýryz aıyndaǵy parlament otyrysynda Qytaı úkimetiniń premer-mınıstri Lı ıan jańa balalar járdemaqylary men tegin mektepke deıingi bilim berý týraly jarııalady. Al 16 naýryzda jarııalanǵan ekonomıkany yntalandyrý jospary boıynsha, búkil elde balalar bar otbasylardy qoldaý júıesin engizý qajettiligi aıtyldy.
