Oral qalasynda 9 jasar bala aulada qūrdastarymen dop oinap jürıp, elektr toǧyna tüsıp, auyr küiık jaraqattarymen auruhanaǧa jetkızıldı, dep habarlaidy "Adyrna" ūlttyq portaly.
Oqiǧa 30 säuır künı İsatai-Mahambet köşesındegı köpqabatty üidıŋ aulasynda bolǧan. Kuägerlerdıŋ aituynşa, balalardyŋ doby elektr qosalqy stansasynyŋ symdaryna ılınıp qalǧan. Sol kezde balalardyŋ bırı dobyn alu üşın ǧimarattyŋ töbesıne şyǧyp, sol jerde toq soqqan.
"Bala auyr jaraqat alyp, oblystyq köpsalaly balalar auruhanasynyŋ jansaqtau bölımınde jatyr. Qazır balanyŋ jaǧdaiy öte auyr. Ol mehanikalyq tynys alu apparatyna qosylǧan. Denesınıŋ 95 paiyzy küigen, 4-därejelı küiık tırkeldı", – dep habarlady oblystyq densaulyq saqtau basqarmasy.
Qazırgı taŋda bala ömır üşın küresıp jatyr.
Oqiǧaǧa bailanysty Batys Qazaqstan oblystyq polisiia departamentı qylmystyq ıs qozǧap, tergeu amaldaryn bastady. Tärtıp saqşylary oqiǧanyŋ naqty sebepterı men män-jailaryn anyqtap jatyr.
