Jazýshy, "Qazaq ádebıeti" gazetiniń bas redaktory Dáýren Qýat mobılızaııa, el men jer, ulttyq múdde jaıyna qatysty másele kóterip, qoǵamǵa oı saldy dep habarlaıdy "Adyrna" ulttyq portaly.
Shyǵarmalarynan qazaqylyqtyń ısi ańqyǵan azamat óz jazbasynda:
"Qazaqstannyń temirjol vokzaldarynda Reseıden qashyp, bosyp kelip jatqandardyń aldynan ystyq baýyrsaq pen býy burqyraǵan ystyq shaı alyp shyǵyp qarsy alýshylar kóbeıipti. Ne degen qonaqjaılylyq, netken darhandyq deseńshi?!. Osylar osy isterimen QR quyq buzýshylyq ákimshilik kodeksine qarsy áreket jasap júrgenderin bile me eken ózi?" - dep óz oıyn jetkizdi.
Sonymen qatar, mobılızaııadan qashqandar men alystan atajurtyn ańsap keletin qandastar jaǵdaıyn salystyryp, azamattyq ustanymyn jetkizdi:
"Oıǵa túsedi. Ózbekstannan, Qytaı men Mońǵolııadan, Irannan qansha qazaq zańdy túrde kóship keldi. Solardyń aldynan qushaǵyn jaıyp, ańqyldap shyqqan qazaq, ıá, elimizde jasaıtyn ózge ult ókili boldy ma? Qandastarymyz júr Qazaqstannyń "jeti basty" aıdaharlary kúzetetin keńselerge kire almaı, kirse, sharýasyn bitire almaı.Aý, darhan júrekti, asa qonaqjaı halqym! Ózgege kól bolyp, ózińe kelgende nege shól bola qalasyń? Álde quldyǵyń oıyńa oralyp, qurdaı jorǵalatyp jibere me seni? Solaı sııaqty..." - dep naqtylady avtor.
Avtordyń ýájine qatysty " Mine, bizdiń sanamyzdy ábden ýlaǵany sonsha, jaýyń qaısy dosyń qaısysy ekenin ajyrata almaıtyn hálge jetkenimizdiń dáleli", "Jat tilde sóılep, tárbıe alǵandar el-jurt qandas degen uǵymǵa jat qımyldar jasaıdy" degen syndy pikir bildirdi oqyrmandar.
"Adyrna" ulttyq portaly
