Semeı qalasyndaǵy «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵynda belgili abaıtanýshy, ustaz, mýzeı ardageri Beken Isabaıulynyń 95 jyldyǵyna arnalǵan «Abaıtanýdyń abyzy» atty eske alý keshi jáne kórme ashyldy, dep habarlaıdy "Adyrna" ulttyq portaly Abaı mýzeıiniń baspasóz qyzmetine siltep.
Is-sharany Abaı mýzeı-qoryǵynyń dırektory U.Saǵadıev ashyp, abaıtanýshynyń eńbegine toqtaldy. Sonymen qatar, «Alash arystary – M.Áýezov» mýzeıiniń bólim meńgerýshisi Q.Qıyqbaı ǵalymnyń ómiri men shyǵarmashylyǵy týraly baıandama jasady.
Kesh barysynda Abaı aýdanynyń Qoǵamdyq keńes tóraǵasy T.Amanǵazın, tarıh ǵylymdarynyń kandıdaty, professor M.Kárimov, «Án ata» qoǵamdyq qorynyń dırektory, sýretshi Q.Ibraev, belgili jýrnalıst, «Anyq Abaı» fılminiń avtory Q.Amanjol, sondaı-aq ádebıet synshysy B.Tursynbaıuly, Bórilidegi M.Áýezov mýzeı-úıiniń meńgerýshisi, ǵalymnyń urpaǵy Sh.Isabaev estelikterimen bólisti.
Kesh barysynda M.Tólebaev atyndaǵy mýzykalyq ýchılıe stýdentteri Beken Isabaıulynyń shyǵarmalarynan ádebı kompozıııa usyndy. Sonymen qatar, ónerpazdar Abaıdyń «Kók tuman – aldyńdaǵy keler zaman», «Segiz aıaq», «Aqylbaıdyń áni», sondaı-aq B.Isabaıulynyń sózine jazylǵan «Shyńǵystaýǵa naz» ánderin oryndap, kórermenderge erekshe áser syılady.
Eske alý keshiniń sońynda mýzeı ardagerine arnalǵan kórmeniń ekspozıııasy tanystyryldy. Kórmede ǵalymnyń túpnusqa qoljazbalary, estelikteri, jeke zattary, dombyrasy, shapany, taqııasy, sondaı-aq ár jyldary jaryq kórgen eńbekteri men fotosýretteri qoıyldy.
Kesh sońynda Beken Isabaıulynyń otbasy jýrnalıst Q.Amanjolǵa dombyra syıǵa tartty.
Kórmeni semeılikter men qala qonaqtary bir aı boıy tamashalaı alady.
