Elordada ornalasqan №49 mekteptıŋ direktory bırqatar üiırme sabaqtaryn özıne alyp, alaida eş sabaq ötpegenı jaily şaǧymdanǧan oquşylardyŋ orys tılındegı videosy jelıde taraǧan edı. Ūlttyq aqparat keŋıstıgınde tuǧan dürbeleŋnen soŋ mektep direktorynyŋ ısı arnaiy jūmys tobynda qaralyp, nätijesınde ol qyzmetınen bosatyldy, dep habarlaidy "Adyrna" ūlttyq portaly.
Astana qalasynyŋ bılım basqarmasy №49 orta mekteptegı jaǧdaiǧa tüsınık berdı.
«Atalǧan mektep direktoryna qatysty qyzmettık tergeu jürgızu üşın basqarmanyŋ 26 mamyrdaǧy №1098 būiryǧyna säikes jūmys toby qūryldy. 26 mamyrda jūmys tobynyŋ qorytyndysy boiynşa mektep direktorynyŋ ıs-äreketı tärtıptık komissiianyŋ otyrysynda qaraldy. Bügınde №49 orta mekteptıŋ direktory bılım basqarmasynyŋ 29 mamyrdaǧy №1113 būiryǧymen jūmystan şyǧarylǧan», - delıngen habarlamada.Ūlttyq aqparat keŋıstıgınde taraǧan aqparatqa sensek, mektep direktory «Abaitanu», «Qazaq ädebietındegı esse jazudyŋ qūrylymy» jäne «Jahandyq qūzyrettılık» siiaqty fakultativtı sabaqtar üşın aqşa alyp otyrǧan. Degenmen üiırme sabaqtaryn jüielı türde ötkızbegen. Äleumettık jelıde mūny orys tılınde aityp, özderınıŋ jaŋa bılımnen qaǧylǧanyn habarlaǧan oquşylar jalpaq jūrttyŋ nazaryn audardy. «Abaitanu», «Qazaq ädebietındegı esse jazudyŋ qūrylymy» jäne «Jahandyq qūzyrettılık» syndy därısterdıŋ ötpeuıne şaǧymdanǧan oquşylardyŋ orys tılınde üideu joldauy memlekettık tıl saiasatynyŋ mektepte dūrys jürgızılmeitındıgınen habar beredı.
"Adyrna" ūlttyq portaly
Ūqsas jaŋalyqtar
Qazaqstan
Tıl
qoǧam
Abaitanu
Jaŋa Qazaqstan
qazaq elı
bılımdegı problemalar
«Qazaq ädebietındegı esse jazudyŋ qūrylymy» jäne «Jahandyq qūzyrettılık»
bılım saiasaty
