Reseıdiń Qazaqstandaǵy Tótenshe jáne ókiletti elshisi Alekseı Borodavkın Maslenıa meıramyn toılaýǵa jınalǵan astanalyqtarǵa áldebir «jeńis» týraly aıtqan, dep habarlaıdy «Adyrna» tilshisi.
«1945 jylǵy jeńis sekildi, bárimiz jeńisti taǵatsyzdana kútip júrmiz. Bálkim, ol jaǵdaı jaqyn arada oryndalady»,—dedi elshi.
Beınejazbany áleýmettik jelige jýrnalıst Raýl Ýporov jarııalady. Aıtýynsha, slavıandardyń dástúrli meıramy elordadaǵy Ýspensk sborynyń aýmaǵynda ótkizilgen.
Alekseı Borodavkınniń bul málimdemesi qaznet qoldanýshylarynyń narazylyǵyn týdyrdy.
«Is-shara barysyn baqylaıtyn polıııa qaıda?», «Elshini úıine qaıtarý kerek!», «Ákimshilik jaýapqa tartylýy kerek»,—dep jazdy olar.
Qoldanýshylardyń bir toby ony Syrtqy ister mınıstrligine shaqyrtýdy usynǵan. Ázirge mınıstrlik eshqandaı reakııa bildirgen joq. Ádette mundaıda syrtqy saıasat mekemesi elshini shaqyrtyp, narazylyq notasyn tabys etetin.
Aıta keteıik, Alekseı Borodavkın Reseıdiń Qazaqstandaǵy Tótenshe jáne ókiletti elshisi qyzmetine 2018 jyly taǵaıyndalǵan bolatyn. Ol - Qazaqstanda eń uzaq otyrǵan elshilerdiń biri.
2022 jyly elshiniń Qazaqstandaǵy orys tiline qatysty pikiri de kópshiliktiń narazylyǵyn týdyrǵan edi.
«Árbir qazaqstandyq eki aıaǵyn nyq basýy úshin eki tildi meńgerýi kerek: memlekettik til – qazaq tili jáne resmı til – orys tili. Bul Qazaqstan Konstıtýııasynda aıtylǵan», - degen edi ol sol kezde «Rossııa segodnıa» agenttigine bergen suqbatynda.
