Ukraina prezidentı Vladimir Zelenskii 28 aqpanda AQŞ-pen kelıssözder ötkızudı josparlap otyr. Būl künı ol AQŞ prezidentı Donald Tramppen kezdesedı dep kütılude. Būl turaly Zelenskii 26 aqpandaǧy halyqqa ündeuınde mälımdedı, dep habarlaidy "Adyrna" ūlttyq portaly.
"Bızdıŋ komandalar AQŞ-pen jūmys ısteude, bız jūma künı kelıssözderge daiyndalyp jatyrmyz. Būl – Amerikanyŋ qoldauy, beibıtşılık pen qauıpsızdık kepıldıgı. Būl Reseidıŋ basqa halyqtardyŋ ömırın qiratuyn toqtatudyŋ kıltı. Men Tramppen kezdesemın. Bız üşın Amerika kömegınıŋ toqtap qalmauy öte maŋyzdy. Beibıtşılıkke jetu üşın küş qajet," – dedı Ukraina prezidentı.Sol künı Ukraina premer-ministrı Denis Şmygal Kievtıŋ AQŞ-pen "Qalpyna keltıru investisiialyq qory" jönınde kelısım jasasuǧa daiyn ekenın mälımdedı. Būl qūjat Amerikaǧa Ukrainanyŋ mineraldy resurstaryna qol jetkızuge mümkındık beredı. AQŞ prezidentı Donald Tramp būl kelısımdı Ukrainaǧa berılgen kömektı ötemaqy retınde qarastyryp otyr. Būǧan deiın Zelenskii būl qūjattyŋ bastapqy nūsqasyna qol qoiudan bas tartqan bolatyn. Alaida, 23 aqpanda AQŞ prezidentınıŋ Taiau Şyǧys jönındegı arnaiy ökılı Stiv Uitkoff CNN telearnasyna bergen sūhbatynda Tramp Zelenskiige "habarlama" jıbergenın, al qazır Ukraina köşbasşysy kelısımge qol qoiudan taiynbaitynyn mälımdedı. Kiev kelıssözder barysynda Europalyq Odaqtyŋ da belsendı qatysuy maŋyzdy ekenın atap öttı.
Ūqsas jaŋalyqtar
