Ýkraına prezıdenti Vladımır Zelenskıı 28 aqpanda AQSh-pen kelissózder ótkizýdi josparlap otyr. Bul kúni ol AQSh prezıdenti Donald Tramppen kezdesedi dep kútilýde. Bul týraly Zelenskıı 26 aqpandaǵy halyqqa úndeýinde málimdedi, dep habarlaıdy "Adyrna" ulttyq portaly.
"Bizdiń komandalar AQSh-pen jumys isteýde, biz juma kúni kelissózderge daıyndalyp jatyrmyz. Bul – Amerıkanyń qoldaýy, beıbitshilik pen qaýipsizdik kepildigi. Bul Reseıdiń basqa halyqtardyń ómirin qıratýyn toqtatýdyń kilti. Men Tramppen kezdesemin. Biz úshin Amerıka kómeginiń toqtap qalmaýy óte mańyzdy. Beıbitshilikke jetý úshin kúsh qajet," – dedi Ýkraına prezıdenti.
Sol kúni Ýkraına premer-mınıstri Denıs Shmygal Kıevtiń AQSh-pen "Qalpyna keltirý ınvestıııalyq qory" jóninde kelisim jasasýǵa daıyn ekenin málimdedi. Bul qujat Amerıkaǵa Ýkraınanyń mıneraldy resýrstaryna qol jetkizýge múmkindik beredi.
AQSh prezıdenti Donald Tramp bul kelisimdi Ýkraınaǵa berilgen kómekti ótemaqy retinde qarastyryp otyr. Buǵan deıin Zelenskıı bul qujattyń bastapqy nusqasyna qol qoıýdan bas tartqan bolatyn. Alaıda, 23 aqpanda AQSh prezıdentiniń Taıaý Shyǵys jónindegi arnaıy ókili Stıv Ýıtkoff CNN telearnasyna bergen suhbatynda Tramp Zelenskııge "habarlama" jibergenin, al qazir Ýkraına kóshbasshysy kelisimge qol qoıýdan taıynbaıtynyn málimdedi.
Kıev kelissózder barysynda Eýropalyq Odaqtyń da belsendi qatysýy mańyzdy ekenin atap ótti.
