AQŞ äuejailarynda reister qaita jandandy

152
Adyrna.kz Telegram
https://adyrna.kz/storage/uploads/RkRH9Nc9WqLiZUXw3nkPc05NjaD4x5Z0h8FTcwQ7.jpg

Foto Jİ-men jasalǧan

AQŞ-tyŋ federaldyq azamattyq äue basqarmasy el aumaǧyndaǧy barlyq äuejaidan ūşaqtardyŋ ūşuyna qoiylǧan şekteudı alyp tastady, dep habarlaidy “Adyrna”. 

Būl turaly basqarmanyŋ resmi habarlamasynda aitylǧan.

Būǧan deiın äue qozǧalysyn basqaru jüiesındegı tehnikalyq aqauǧa bailanysty eldegı barlyq äuejaidan ūşyp şyǧatyn reister uaqytşa toqtatylǧan edı.

Basqarma mälımetınşe, şekteu äue dispetcherlerı jabdyqtarynyŋ ısten şyǧuyna bailanysty engızılgen. Sonyŋ saldarynan 5 117 reis toqtatylyp, 9 814 reis keşıkken. Şamamen 1,5 million äue jolauşysynyŋ reisı keşıkken.

AQŞ-tyŋ ışkı qauıpsızdık ministrı Markvein Mallin oqiǧaǧa qatysty tergeu bastalǧanyn aitty. Onyŋ aituynşa, äzırge būl jaǧdaidyŋ qasaqana jasalǧan şabuyl ekenıne eşqandai belgı joq. Aldyn ala mälımet boiynşa, mäsele telekommunikasiia jüiesındegı aqaudan tuyndaǧan.

Keiın basqarma infraqūrylymnyŋ jūmysy qalpyna kelgen saiyn keibır reisterdıŋ ūşuyna rūqsat berıletının habarlaǧan.

Qazır eldegı barlyq äuejaidan ūşuǧa qoiylǧan şekteu tolyq alyndy.

Pıkırler