Prezident Qasym-Jomart Toqaev QHR Töraǧasy Si Szinpinmen kelıssöz jürgızdı. Būl turaly Aqordanyŋ baspasöz qyzmetı jariialady, dep habarlaidy «Adyrna» ūlttyq portaly.
Memleket basşysy Qasym-Jomart Toqaevtyŋ Qytai Halyq Respublikasyna resmi sapary Töraǧa Si Szinpinmen kelıssöz jürgızuden bastaldy. Qytai elınıŋ basşysy Qazaqstan Prezidentın Beijıŋdegı Halyq jinalysy üiınde qarsy aldy. Märtebelı meimannyŋ keluıne orai Qūrmet qarauyly sap tüzep tūrdy. Sodan keiın memleketter basşylary öz delegasiialarymen bırge Ülken şyǧys zalynda kelıssöz jürgızdı. Qasym-Jomart Toqaev Si Szinpinnıŋ «Bır beldeu, bır jol» halyqaralyq yntymaqtastyǧynyŋ III forumyna qatysuǧa şaqyruyn zor yqylaspen qabyl alyp, Qytaiǧa taǧy da saparmen kelgenın atap öttı.– Qazaqstan Sızdıŋ osy jahandyq bastamaŋyzǧa alǧaşqy künnen bastap qoldau bıldırdı jäne ony ılgerıletuge belsendı atsalysyp keledı. Osydan tura 10 jyl būryn Astanada söilegen sözıŋızde Sızdıŋ osy bastama turaly aitqanyŋyz esımızde. Oraily sättı paidalana otyryp, Sızdı osy megajobany jüzege asyru barysynda keremet nätijege qol jetkızuıŋızben qūttyqtaimyn jäne aituly şaranyŋ tabysty ötuıne tılektestık bıldıremın. Sondai-aq Sızdı Qytai Halyq Respublikasynyŋ qūrylǧanyna 74 jyl toluymen jäne Hanchjouda ötken XIX jazǧy Aziia oiyndaryndaǧy Qytai komandasynyŋ zor jetıstıgımen qūttyqtaimyn. Bız Qytaidyŋ qarqyndy damuyn erekşe yqylaspen baqylap otyrmyz. Sızdıŋ dana basşylyǧyŋyzben Qytai älemdık jetekşı derjavaǧa ainaludy közdegen asqaq mūratyna jetuge batyl qadam jasap keledı, – dedı Prezident.Memleket basşysy jan-jaqty ärı mäŋgılık strategiialyq serıktestıkke negızdelgen qazaq-qytai qatynastary qarqyndy damyp kele jatqanyna nazar audardy.
– Bız barlyq baǧyt boiynşa tiımdı memleketaralyq yqpaldastyqty jolǧa qoidyq. Sızdıŋ byltyr qyrküiek aiynda Qazaqstanǧa jasaǧan memlekettık saparyŋyz özara bailanystardyŋ barynşa nyǧaiuyna tyŋ serpın berdı. Sapar aiasynda elderımız arasyndaǧy yntymaqtastyqtyŋ jaŋa «altyn 30 jyldyǧy» bastaldy. Memleketterımız arasyndaǧy sauda-sattyq tabysty damyp keledı. Aitarlyqtai ösım bar. İnvestisiianyŋ jalpy kölemı 21 milliard dollar bolatyn 52 bırlesken joba jüzege asyrylyp jatyr. 2024 jyl Qytaida Qazaqstan turizmı jyly bolyp jariialandy. Būl osy sala üşın mol mümkındıkterge jol aşady. Özara mädeni-gumanitarlyq bailanystar üşın qolaily jaǧdai jasaluda. Memleketaralyq qarym-qatynastardy müldem jaŋa deŋgeige şyǧaru üşın Qazaqstannyŋ da, Qytaidyŋ da orasan zor äleuetı bar dep sanaimyn. Osy mümkındıktı paidalanyp, qūrmettı Töraǧa Si Szinpin, Sızdı kelesı jyly Qazaqstanǧa memlekettık saparmen keluge şaqyramyn, – dedı Qasym-Jomart Toqaev.Kelıssöz barysynda taraptar sauda-ekonomika, mūnai-gaz, mūnai himiiasy, energetika, qarjy, kölık-tranzit, atom önerkäsıbı, maşina jasau, turizm, elektrondy kommersiia jäne joǧary tehnologiia salalaryndaǧy jan-jaqty yqpaldastyqty damytu mäselelerın talqylady. Memleketter basşylary bırlesken investisiialyq jobalardy jüzege asyru, sondai-aq mädenietaralyq bailanystarǧa jaǧdai jasau maŋyzdy ekenıne nazar audardy. Būdan bölek, memleketter basşylary halyqaralyq jäne öŋırlık kün tärtıbındegı özektı mäseleler jönınde pıkır almasty. Qasym-Jomart Toqaev pen Si Szinpinnıŋ kelıssözı nätijesınde ekı eldıŋ delegasiia müşelerı mynadai qūjattarǧa qol qoidy: 1. Qazaqstan Respublikasy Strategiialyq josparlau jäne reformalar agenttıgı men Qytai Halyq Respublikasy Damu jäne reformalar jönındegı memlekettık komitetı arasyndaǧy ekonomikalyq damu salasyndaǧy almasu jäne yntymaqtastyq jönındegı özara tüsınıstık turaly memorandum; 2. Qazaqstan Respublikasy Ükımetı men Qytai Halyq Respublikasy Ükımetı arasyndaǧy Transkaspii halyqaralyq kölık baǧytyn, onyŋ ışınde Qytai-Europa qatynasyndaǧy konteinerlık poiyzdar üşın damytu jönındegı kelısım; 3. Qazaqstan Respublikasy Kölık ministrlıgı men Qytai Halyq Respublikasy Damu jäne reformalar jönındegı memlekettık komitetı arasyndaǧy «Tachen – Aiagöz» temırjolyn salu jobasy boiynşa yntymaqtastyqty bırlesıp damytu jönındegı özara tüsınıstık turaly memorandum: 4. Qazaqstan Respublikasy Ükımetı men Qytai Halyq Respublikasy Ükımetı arasyndaǧy Transkaspii halyqaralyq kölık baǧytyn damytu jönındegı kelısım; 5. Qazaqstan Respublikasy Auyl şaruaşylyǧy ministrlıgı men Qytai Halyq Respublikasy Bas keden basqarmasy arasyndaǧy Qazaqstan Respublikasynan Qytai Halyq Respublikasyna rapsty eksporttau kezındegı fitosanitariialyq talaptar turaly hattama.
«Adyrna» ūlttyq portaly
Ūqsas jaŋalyqtar
