Prezıdent Qasym-Jomart Toqaev QHR Tóraǵasy Sı zınpınmen kelissóz júrgizdi. Bul týraly Aqordanyń baspasóz qyzmeti jarııalady, dep habarlaıdy «Adyrna» ulttyq portaly.
Memleket basshysy Qasym-Jomart Toqaevtyń Qytaı Halyq Respýblıkasyna resmı sapary Tóraǵa Sı zınpınmen kelissóz júrgizýden bastaldy.
Qytaı eliniń basshysy Qazaqstan Prezıdentin Beıjińdegi Halyq jınalysy úıinde qarsy aldy. Mártebeli meımannyń kelýine oraı Qurmet qaraýyly sap túzep turdy. Sodan keıin memleketter basshylary óz delegaııalarymen birge Úlken shyǵys zalynda kelissóz júrgizdi.
Qasym-Jomart Toqaev Sı zınpınniń «Bir beldeý, bir jol» halyqaralyq yntymaqtastyǵynyń III forýmyna qatysýǵa shaqyrýyn zor yqylaspen qabyl alyp, Qytaıǵa taǵy da saparmen kelgenin atap ótti.
– Qazaqstan Sizdiń osy jahandyq bastamańyzǵa alǵashqy kúnnen bastap qoldaý bildirdi jáne ony ilgeriletýge belsendi atsalysyp keledi. Osydan týra 10 jyl buryn Astanada sóılegen sózińizde Sizdiń osy bastama týraly aıtqanyńyz esimizde. Oraıly sátti paıdalana otyryp, Sizdi osy megajobany júzege asyrý barysynda keremet nátıjege qol jetkizýińizben quttyqtaımyn jáne aıtýly sharanyń tabysty ótýine tilektestik bildiremin. Sondaı-aq Sizdi Qytaı Halyq Respýblıkasynyń qurylǵanyna 74 jyl tolýymen jáne Hanchjoýda ótken XIX jazǵy Azııa oıyndaryndaǵy Qytaı komandasynyń zor jetistigimen quttyqtaımyn. Biz Qytaıdyń qarqyndy damýyn erekshe yqylaspen baqylap otyrmyz. Sizdiń dana basshylyǵyńyzben Qytaı álemdik jetekshi derjavaǵa aınalýdy kózdegen asqaq muratyna jetýge batyl qadam jasap keledi, – dedi Prezıdent.
Memleket basshysy jan-jaqty ári máńgilik strategııalyq seriktestikke negizdelgen qazaq-qytaı qatynastary qarqyndy damyp kele jatqanyna nazar aýdardy.
– Biz barlyq baǵyt boıynsha tıimdi memleketaralyq yqpaldastyqty jolǵa qoıdyq. Sizdiń byltyr qyrkúıek aıynda Qazaqstanǵa jasaǵan memlekettik saparyńyz ózara baılanystardyń barynsha nyǵaıýyna tyń serpin berdi. Sapar aıasynda elderimiz arasyndaǵy yntymaqtastyqtyń jańa «altyn 30 jyldyǵy» bastaldy. Memleketterimiz arasyndaǵy saýda-sattyq tabysty damyp keledi. Aıtarlyqtaı ósim bar. Investıııanyń jalpy kólemi 21 mıllıard dollar bolatyn 52 birlesken joba júzege asyrylyp jatyr. 2024 jyl Qytaıda Qazaqstan týrızmi jyly bolyp jarııalandy. Bul osy sala úshin mol múmkindikterge jol ashady. Ózara mádenı-gýmanıtarlyq baılanystar úshin qolaıly jaǵdaı jasalýda. Memleketaralyq qarym-qatynastardy múldem jańa deńgeıge shyǵarý úshin Qazaqstannyń da, Qytaıdyń da orasan zor áleýeti bar dep sanaımyn. Osy múmkindikti paıdalanyp, qurmetti Tóraǵa Sı zınpın, Sizdi kelesi jyly Qazaqstanǵa memlekettik saparmen kelýge shaqyramyn, – dedi Qasym-Jomart Toqaev.
Kelissóz barysynda taraptar saýda-ekonomıka, munaı-gaz, munaı hımııasy, energetıka, qarjy, kólik-tranzıt, atom ónerkásibi, mashına jasaý, týrızm, elektrondy kommerııa jáne joǵary tehnologııa salalaryndaǵy jan-jaqty yqpaldastyqty damytý máselelerin talqylady. Memleketter basshylary birlesken ınvestıııalyq jobalardy júzege asyrý, sondaı-aq mádenıetaralyq baılanystarǵa jaǵdaı jasaý mańyzdy ekenine nazar aýdardy.
Budan bólek, memleketter basshylary halyqaralyq jáne óńirlik kún tártibindegi ózekti máseleler jóninde pikir almasty.
Qasym-Jomart Toqaev pen Sı zınpınniń kelissózi nátıjesinde eki eldiń delegaııa músheleri mynadaı qujattarǵa qol qoıdy:
1. Qazaqstan Respýblıkasy Strategııalyq josparlaý jáne reformalar agenttigi men Qytaı Halyq Respýblıkasy Damý jáne reformalar jónindegi memlekettik komıteti arasyndaǵy ekonomıkalyq damý salasyndaǵy almasý jáne yntymaqtastyq jónindegi ózara túsinistik týraly memorandým;
2. Qazaqstan Respýblıkasy Úkimeti men Qytaı Halyq Respýblıkasy Úkimeti arasyndaǵy Transkaspıı halyqaralyq kólik baǵytyn, onyń ishinde Qytaı-Eýropa qatynasyndaǵy konteınerlik poıyzdar úshin damytý jónindegi kelisim;
3. Qazaqstan Respýblıkasy Kólik mınıstrligi men Qytaı Halyq Respýblıkasy Damý jáne reformalar jónindegi memlekettik komıteti arasyndaǵy «Tachen – Aıagóz» temirjolyn salý jobasy boıynsha yntymaqtastyqty birlesip damytý jónindegi ózara túsinistik týraly memorandým:
4. Qazaqstan Respýblıkasy Úkimeti men Qytaı Halyq Respýblıkasy Úkimeti arasyndaǵy Transkaspıı halyqaralyq kólik baǵytyn damytý jónindegi kelisim;
5. Qazaqstan Respýblıkasy Aýyl sharýashylyǵy mınıstrligi men Qytaı Halyq Respýblıkasy Bas keden basqarmasy arasyndaǵy Qazaqstan Respýblıkasynan Qytaı Halyq Respýblıkasyna rapsty eksporttaý kezindegi fıtosanıtarııalyq talaptar týraly hattama.
«Adyrna» ulttyq portaly
