Ulybrıtanııa Ýkraınaǵa M270 reaktıvty dúrkindetip atý júıesin beretin boldy. Okkýpanttarǵa 80 shaqyrym qashyqtyqtan soqqy beretin qarýdy bertenderin Ulybrıtanııanyń Qorǵanys mınıstri Ben Ýolles málimdedi, dep habarlaıdy “Adyrna” ulttyq portaly.
Ulybrıtanııanyń Qorǵanys mınıstri Ýkraınaǵa qaraý-jaraqpen kómek kórsetýi Reseıdiń áskerı taktıkasyna baılanysty ózgerip otyratynyn aıtty.
“Qashyqtan soqqy beretin M270 reaktıvti qarýy Ýkraına qalalaryn alystan atqylap, qıratyp jatqan orys áskerine qarqyndy toıtarys bere alady, – dedi Ben Ýolles.
Aǵylshyndardyń M270 júıesin berýdi AQSh taraby da qoldap otyr. Óıtkeni qarýdyń dál osy túrin amerıkanyń kompanııalary óndiretini belgili. Sondyqtan aǵylshyndar úshinshi elge atalmysh qarýdy AQSh-tyń kelisimimen ǵana bere alady.
Al Pýtın Batys elderi Ýkraınaǵa qashyqtan soqqy beretin qarýlardy berýin toqtatpasa, jańa nysandarǵa soqqy beretinin aıtyp, qorqytqan.
Biraq Ýkraınany odaqtastary Pýtınniń qoqan-loqysyna mán bergen joq. Taıaýda AQSh Ýkraınaǵa kóresetetin 700 mln dollarlyq áskerı kómegine ishine HIMARS zymyrandar keshenin engizgen bolatyn. HIMARS ýkraın sarbazdarynyń qolyna tıetin bolsa, okkýpanttarǵa aıtarlyqtaı toıtarys beretini anyq.
“Adyrna” ulttyq portaly
