Ukraina Qaruly küşterınıŋ ondaǧan drony Qazaqstannyŋ äue keŋıstıgı arqyly ūşyp ötıp, Reseige soqqy jasau maqsatynda paidalanylǧan boluy mümkın. Būl turaly Resei SIM-nıŋ resmi ökılı Mariia Zaharova aitty, dep habarlaidy «Adyrna» tılşısı.
«19 jäne 20 mausym künderı Qazaqstan Respublikasynyŋ Batys Qazaqstan oblysy aumaǧy arqyly Ukraina Qaruly küşterınıŋ bırneşe ūşqyşsyz ūşu apparattarynyŋ ūşyp ötkenı tırkeldı. Būl drondar, şamasy, Reseige soqqy jasau maqsatynda qoldanylǧan boluy mümkın. Bız odaqtasymyz jäne ŪQŞŪ müşesıne qarsy jasalǧan mūndai äreketterdı qataŋ aiyptaimyz», - dedı ol.
Sondai-aq Zaharova halyqaralyq ūiymdardy osyndai «arandatuşylyqtarǧa» nazar audaruǧa şaqyrdy.
Eske salaiyq, 19 mausymda Maŋǧystau oblysynan belgısız ūşqyş apparat tabylǧan edı. Sondai-aq būǧan deiın Batys Qazaqstan oblysyndaǧy bırneşe eldı mekenderge dron qūlaǧan bolatyn. Mausym aiynyŋ basynda Qorǧanys ministrlıgı BQO-ǧa qūlaǧan drondar Reseige tiesılı ekenın, olardy jalǧa alynǧan poligonda synaq kezınde ūşyrǧanyn mälımdedı.
