Almatydaǧy Qanyş Sätbaev köşesı. Ötken men bügınnıŋ toǧysuy

Almaty TV-de «Almaty köşelerı» baǧdarlamasynyŋ jaŋa şyǧarylymy jaryq kördı

Är şyǧarylymda avtorlar tūrǧyndarmen, tarihşylarmen jäne säuletşılermen bırge osy uaqytqa deiın belgısız bolyp kelgen derektı aşady. Sonymen qatar, qala bilıgınıŋ ökılderımen bırlesıp, qoǧamdyq keŋıstıkterdı, köşeler men daŋǧyldardy jaŋartu jäne özgertu josparlary turaly aityp beredı. «Almaty köşelerı» – megapolispen bırge ömır süretın, ösetın jäne damityn tūtas bır tarih pen älem. Jurnalister baǧdarlamanyŋ jaŋa şyǧarylymyn Qanyş Sätbaev köşesıne arnady. Qanyş Sätbaev atyndaǧy köşe – Almatynyŋ basty kölık arteriialarynyŋ bırı, ol qalanyŋ jäne onyŋ oŋtüstık-batys audandarynyŋ damu tarihyn boiynda saqtap keledı. Būl köşe 1960-jyldary qalyptasyp, qalanyŋ belsendı keŋeiuınıŋ jäne būrynǧy kolhoz jerlerınıŋ igerıluınıŋ kuäsı boldy. [embed]https://youtu.be/AORoz6AaXxs[/embed] Köşenıŋ Qazaqstan täuelsızdıgınıŋ tarihymen bailanysy dausyz. Täuelsızdık alǧannan keiın el qarqyndy dami bastady jäne memlekettıŋ bedelın köteretın, egemendıktı beineleitın eskertkıştıŋ qajettılıgı tuyndady. 1996 jyly Qanyş Sätbaev köşesıne jaqyn ornalasqan Respublika alaŋynda Täuelsızdık monumentı tūrǧyzylyp, ol eldıŋ azattyǧy men örkendeuınıŋ simvolyna ainaldy. Jyl saiyn 16 jeltoqsanda Täuelsızdık monumentıne gül şoǧyn qoiu räsımı ötedı – būl eldıŋ bostandyǧy üşın küresken jandardyŋ qūrmetıne körsetılgen taǧzym. Qanyş Sätbaev köşesınıŋ atauy körnektı ǧalym, akademik jäne qoǧam qairatkerınıŋ esımımen beker atalǧan joq. Ol Qazaqstan ǧylymynyŋ damuyna zor üles qosty. Onyŋ mys jäne marganes ken oryndaryn aşuy eldı bügıngı künge deiın öndırılıp kele jatqan baǧaly resurstarmen qamtamasyz ettı. Qanyş Sätbaevtyŋ mūrasyn özı atyndaǧy köşede ornalasqan universitettıŋ studentterı erekşe qūrmetpen eske alady. Qazırgı uaqytta Almaty äkımı Erbolat Dosaevtyŋ tapsyrmasymen Ahmet Baitūrsynūly men Qanyş Sätbaev köşelerınıŋ qiylysynda ornalasqan Geologtar alleiasyn kürdelı jöndeuden ötkızuge arnalǧan jobalyq-smetalyq qūjattama äzırlenude. Mūnda jaryqtandyru, oryndyqtar men joldar ornatu, sondai-aq abattandyru jūmystary jürgızılıp, būl oryn tūrǧyndar üşın jaily demalys aimaǧyna ainalmaq. Jūmystar jyl soŋyna deiın aiaqtalady dep josparlanuda. Aita keteiık, biylǧy jyly tek Sätbaev köşesı ǧana emes, basqa da köşeler körkeitıledı. Qala basşysynyŋ tapsyrmasyna säikes, Dostyq daŋǧyly men Puşkin köşesınde «Qasbetterden qasbetke deiın» jobasy jüzege asyrylady. Būl joba joldardy jaŋartu, trotuarlardy abattandyru, ǧimarat qasbetterın jaŋartu jäne kögaldandyru jūmystaryn qamtidy. Almaly audany tūrǧyndarymen kezdesude Almaty äkımı Erbolat Dosaev osy ädıspen 2025 jyly Jıbek joly daŋǧylynyŋ (Nazarbaev daŋǧylynan Seifullin daŋǧylyna deiın) jaiau jürgınşıler aimaǧyn jöndeu jäne Müsırepov atyndaǧy Qazaq Memlekettık Akademiialyq balalar men jasöspırımder teatry  janyndaǧy skverdı jaŋartu josparlanyp otyrǧanyn aitty. Jalpy, 2025-2026 jyldary qalada 49,2 şaqyrymdy qūraityn 11 köşede keşendı abattandyru jūmystary jürgızılmek. Almaty – elımızdegı jaily qalalyq orta qūru boiynşa halyqaralyq standarttardy engızıp otyrǧan alǧaşqy qala.