Prezıdent Qasym-Jomart Toqaevtyń shaqyrýymen 26-27 sáýir kúnderi Italııa premer-mınıstri Djordja Melonı Qazaqstanǵa resmı saparmen keledi. Bul týraly búgin, 21 sáýirde Aqordanyń baspasóz qyzmeti jazdy, dep habarlaıdy «Adyrna» tilshisi.
«Kelissóz barysynda taraptar Qazaqstan men Italııa arasyndaǵy strategııalyq seriktestikti damytý perspektıvasyn talqylaıdy.
27 sáýir kúni Astanada «Ortalyq Azııa – Italııa» formatyndaǵy tuńǵysh sammıt ótedi»,—delingen habarlamada.
Eske salaıyq, 2023 jyldyń mamyrynda Italııa Mınıstrler keńesiniń tóraǵasy Djordja Melonı Astanaǵa jumys saparymen kelýi kerek edi. Alaıda ol Emılııa-Romanıa aımaǵynda bolǵan joıqyn sý tasqyny saldarynan kóptegen adamnyń qaza tabýyna baılanysty tabıǵat apatynan zardap shekken óńirlerge barý úshin Hırosımada ótip jatqan G7 sammıtine sońyna deıin qatyspaı, eline qaıtqan bolatyn.
