Jambyl oblysynda 3, 5 jáne 7 jastaǵy ápkeli-sińililer gazdan ýlanyp, óz úılerinde qaza tapty, dep habarlaıdy “Adyrna” ulttyq portaly.
Áleýmettik jelilerde habarlanǵandaı, qaıǵyly oqıǵa 19 sáýir kúni keshke Sarmoldaev aýylynda bolǵan.
«Aldyn ala málimet boıynsha, tańerteń anasy balalardy úıde jalǵyz qaldyryp, sharýalarymen ketken. Qaıtyp kelgen kezde úıdiń ishinde gazdyń ótkir ıisi sezilgen. Qyzdar es-tússiz jatqan. Áıel dereý balalardy aýrýhanaǵa jetkizgen, alaıda, ókinishke qaraı, olardy aman alyp qalý múmkin bolmady — qyzdar esin jımastan jansaqtaý bóliminde kóz jumǵan», – delingen Instagram-da taralǵan habarlamada.
Jambyl oblystyq polıııa departamentiniń baspasóz qyzmeti bul qaıǵyly jaǵdaıdy rastady.
«Merki aýdanyndaǵy turǵyn úıde úsh balanyń tabıǵı gazdan ýlaný saldarynan qaza bolýyna baılanysty qylmystyq is qozǵalyp, sotqa deıingi tergeý bastaldy. Qazir oqıǵanyń mán-jaıy anyqtalyp jatyr, birqatar saraptamalar taǵaıyndalyp, tergeý amaldary júrgizilýde», – dep habarlady departament.
