Ózbekstannyń syrtqy ister mınıstrligi AQSh-tan basqa elderge zańsyz mıgranttardyń deportaııalaný jaǵdaıyn baqylaýda ustap otyr jáne óz azamattaryna qaı jerde bolsa da kómek kórsetýge daıyn. Bul týraly Ózbekstan SIM baspasóz hatshysy Ahror Býrhanov málimdedi, dep habarlaıdy "Adyrna" ulttyq portaly.
Onyń aıtýynsha, Ózbekstannyń Vashıngtondaǵy elshiligi men Nıý-Iorktegi bas konsýldyǵy AQSh-tyń quqyq qorǵaý organdarymen tyǵyz baılanysta jumys istep, Ortalyq Azııa eliniń azamattaryn qaýipsiz túrde eline qaıtarýdy qamtamasyz etýde.
Býrhanovtyń málimdeýinshe, mınıstrlik AQSh-tan basqa elderge deportaııalyq reısterge muqııat baqylaý júrgizýde. Ózbek dıplomattary bul másele boıynsha AQSh bıligimen jáne Latyn Amerıkasy elderiniń ókilderimen turaqty baılanysta.
Eske sala keteıik, keshe AQSh-tyń jańa kóshi-qon saıasaty aıasynda deportaııalanǵan mıgranttardy úshinshi elderge jiberý tájirıbesi bastaldy. Alǵashqy top, onyń ishinde Qazaqstan, Ózbekstan, Qytaı, Armenııa, Túrkııa, Aýǵanstan, Reseı, Grýzııa, Vetnam, Ázerbaıjan, Iran, Iordanııa jáne Gana azamattary AQSh-tan deportaııalanyp, ýaqytsha Kosta-Rıkada ornalastyryldy. Bul Vashıngton men San-Hose arasyndaǵy kelisim nátıjesinde júzege asyryldy. Kelisim boıynsha, Kosta-Rıka aýmaǵynda 200-ge deıin deportaııalanǵan mıgrant ýaqytsha tura alady.
Qazaqstannyń Syrtqy ister mınıstrligi AQSh-tan deportaııalanǵan azamattarǵa qandaı kómek kórsetetinin ashyq málimdemegen. Konsýldyq qoldaý kórsetile me, qarjylaı kómek qarastyryla ma, elge oralǵan azamattarǵa áleýmettik beıimdelý baǵdarlamasy ázirlene me – bul suraqtardyń jaýaby ázirge belgisiz.
