Ózbekstannyń turaqty turǵyndarynyń sany kún saıyn orta eseppen 2,1 myń adamǵa artyp keledi. Bul týraly Ózbekstan Statıstıka agenttigi málim etti, dep habarlaıdy «Adyrna» ulttyq portaly.
«2023 jyl 1 qazandaǵy sanaq boıynsha Ózbekstannyń turaqty halqy 36 599 764 adamdy qurady. Bul san ótken jylmen salystyrǵanda 2,2% paıyzǵa ósti», - dep atap ótti Agenttik.
Sondaı-aq Ózbekstan halqynyń sany 2023 jyldyń basynan beri 574,8 myń, ár aıda orta eseppen 63,9 myń, ár kúnge 2,1 myń adamǵa artyp keledi.
Statıstıka agenttiginiń málimetinshe, Ózbekstandaǵy áıelder sany 18 176 873 adamdy, al erler sany 18 422 891 adamdy quraıdy. 2023 jyldyń 1 qazanyndaǵy jaǵdaı boıynsha erler sany áıelder sanynan 246 018 adamǵa kóp.
«Adyrna» ulttyq portaly
