Sybaılas jemqorlyqqa qarsy qyzmet Gúlmıra Satybaldyǵa, onyń baqylaýyndaǵy «Arııa-Jańa Astana» JShS kompanııasynyń basshylyǵyna jáne memlekettik organdardyń laýazymdy tulǵalaryna qatysty obektilerdi salýǵa bólingen bıýdjet qarajatyn jymqyrý faktileri boıynsha tergeýdi jalǵastyryp jatyr. Bul týraly Sybaılas jemqorlyqqa qarsy is-qımyl Agenttigi jarııalady, dep habarlaıdy “Adyrna” ulttyq portaly.
Birneshe nysan boıynsha is júzinde oryndalmaǵan qurylys-montajdaý jumystaryna aqy tóleý nátıjesinde memleketke jalpy somasy 3,9 mılıard teńgege asa iri mólsherde zalal keltirildi.
Tergeý satysynda qabyldanǵan sharalardyń nátıjesinde memleketke keltirilgen zalal tolyq ótelgen.
«Sonymen qatar, G.Satybaldy men onyń senimdi tulǵalaryna qatysty birqatar kásiporyndardyń qatysý úlesteri men aktıvterin zańsyz ıelený, adamdy urlaý jáne bas bostandyǵynan zańsyz aıyrý faktileri boıynsha tergeý júrgizilýde. Jábirlenýshilerge keltirilgen zalaldyń aldyn ala somasy 6,6 mılıard teńgeden asady», - delingen Antıkor habarlamasynda.
Kúdikti adamdar kúzetpen ustalyp, tergeý jalǵasýda.
Eske salaıyq, 17 naýryzda Sybaılas jemqorlyqqa qarsy qyzmet Qaırat Satybaldyulyna, onyń burynǵy jubaıy Gúlmıra Satybaldyǵa jáne basqa da tulǵalarǵa qatysty bıznesti reıderlik basyp alý faktisi boıynsha sotqa deıingi tergeýdi bastady.
16 naýryzda G.Satybaldy QR Qylmystyq-proestik kodeksiniń 128-baby boıynsha ustalyp, Nur-Sultan qalasynyń ýaqytsha ustaý ızolıatoryna qamalǵan bolatyn.
”Adyrna” ulttyq portaly
