Úkimet ulttyq qordan taǵy 800 mlrd teńge almaqshy

1839
Adyrna.kz Telegram

Ulttyq qordan taǵy 800 mlrd teńge alynady. Bul jaıly Senattyń jalpy otyrysynda Ulttyq ekonomıka vıe-mınıstri Baýyrjan Omarbekov habarlady. Sonymen qatar, mınıstr orynbasary 2023 jylǵa arnalǵan el bıýdjetin jumsaýdyń jón-japsarymen tanystyrdy, habarlaıdy "Adyrna" ulttyq portaly QazAqparat-qa silteme kórsete otyryp.

«2023 jyly respýblıkalyq bıýdjettiń kiristeri bekitilgen jospardan 720 mlrd teńgege óse otyryp, JIÓ-niń 12,1% nemese 14,6 trln teńge deńgeıinde boljanyp otyr. Respýblıkalyq bıýdjetke qosymsha túsimder kiris bazasyn ulǵaıtý, salyqtyq jáne kedendik ákimshilendirýdi jaqsartý, ıfrlandyrý boıynsha Úkimet qabyldap otyrǵan sharalar esebinen qamtamasyz etiledi», - dedi vıe-mınıstr.

Naqtyraq aıtsaq, bıýdjet kirisi birjolǵy túsimder esebinen 316 mlrd teńgege, salyqtyq jáne kedendik ákimshilendirýdi jaqsartý esebinen 404 mlrd teńgege ulǵatylmaq.

«Sonymen qatar, ulttyq deńgeıdegi áleýmettik mańyzy bar jobalardy jáne strategııalyq mańyzdy ınfraqurylymdyq jobalardy qarjylandyrý úshin ulttyq qordan 800 mlrd teńge kóleminde nysanaly transfert qosymsha tartylady. 2023 jyly bıýdjet tapshylyǵyn 3,2 trln teńge kóleminde nemese JIÓ-niń 2,7% deńgeıinde saqtaý usynylady. Osyny eskere otyryp, respýblıkalyq bıýdjettiń shyǵystary bekitilgen kólemnen 1,5 trln teńgege ulǵaıyp, 22,5 trln teńgeni quraıdy», - dedi Baýyrjan Omarbekov.

"Adyrna" ulttyq portaly

Pikirler