Qazaqstandyq blogerler 53,3 mlrd teńge kirisin jasyrǵan. Bul týraly Memlekettik kirister komıteti jarııalady, dep habarlaıdy “Adyrna” ulttyq portaly.
Memlekettik kirister komıteti ártúrli derekkózderden alynǵan málimetterdi salyq deklaraııalarynyń derekterimen salystyrý nátıjesinde 594 tulǵada 53,3 mlrd teńgege sáıkessizdikter anyqtady.
Osyǵan baılanysty, 13-14 aqpan kúnderi aralyǵynda "kiristerdi tómendetý" buzýshylyqtary boıynsha kameraldyq baqylaý habarlamalary jiberildi.
"Bul habarlamalardy oryndaý úshin tulǵalardan ne qosymsha eseptelgen salyqtardy tóleı otyryp, jańartylǵan salyq eseptiligin tapsyrýy, ne habarlamaǵa kelispeýshiligin dáleldeıtin túsindirme usynýy talap etiledi. Habarlamanyń oryndalý merzimi 30 jumys kúnin quraıtynyn eskerý kerek", – delingen Memlekettik kirister komıtetiniń habarlamasynda.
Aıta keteıik, memlekettik kirister organdary salyq mindettemelerin tolyq oryndaýdy qamtamasyz etý úshin blogerlerdi qosqanda, jeke tulǵalarǵa turaqty salyqtyq baqylaýdy júzege asyryp keledi. Baqylaý sharalary kezinde olar ýákiletti memlekettik organdarmen, uıymdarmen jáne ózge tulǵalarmen tıimdi yqpaldasyp, aqparat almasýda.
