Qazaqstandyq blogerler 53,3 mlrd teŋge kırısın jasyrǧan. Būl turaly Memlekettık kırıster komitetı jariialady, dep habarlaidy “Adyrna” ūlttyq portaly.
Memlekettık kırıster komitetı ärtürlı derekközderden alynǧan mälımetterdı salyq deklarasiialarynyŋ derekterımen salystyru nätijesınde 594 tūlǧada 53,3 mlrd teŋgege säikessızdıkter anyqtady.
Osyǧan bailanysty, 13-14 aqpan künderı aralyǧynda "kırısterdı tömendetu" būzuşylyqtary boiynşa kameraldyq baqylau habarlamalary jıberıldı.
"Būl habarlamalardy oryndau üşın tūlǧalardan ne qosymşa eseptelgen salyqtardy tölei otyryp, jaŋartylǧan salyq eseptılıgın tapsyruy, ne habarlamaǧa kelıspeuşılıgın däleldeitın tüsındırme ūsynuy talap etıledı. Habarlamanyŋ oryndalu merzımı 30 jūmys künın qūraitynyn eskeru kerek", – delıngen Memlekettık kırıster komitetınıŋ habarlamasynda.
Aita keteiık, memlekettık kırıster organdary salyq mındettemelerın tolyq oryndaudy qamtamasyz etu üşın blogerlerdı qosqanda, jeke tūlǧalarǧa tūraqty salyqtyq baqylaudy jüzege asyryp keledı. Baqylau şaralary kezınde olar uäkılettı memlekettık organdarmen, ūiymdarmen jäne özge tūlǧalarmen tiımdı yqpaldasyp, aqparat almasuda.
