Prezıdenttikke úmitkerler arasynda tele-tartys ótti. Qaraqat Ábdenge televızııalyq debat barysynda shymkenttik kórermen saýal qoıdy. Ol prezıdenttikten dámeli jannan qazaq qyzdarynyń sheteldikterge turmysqa shyǵyp, ózge ultpen otaý qurýyna qalaı qaraıtynyn surady, dep habarlaıdy "Adyrna" ulttyq portaly.
Ult uıasyn ulǵaıtyp, qazaqy tegin saqtaıtyn aıaýly jandarǵa qurmeti erekshe joǵary Qaraqat Ábden sheteldikterdiń eteginen ustap, qarjylyq qyzyǵýshylyqqa bola shekara asatyn qazaq qyzdaryna salyq salýdy usyndy:
- Osyndaı jaǵdaıda jastar sezimge beriledi. Men olarǵa «Baqytty bol» degim keledi. Biraq sońǵy kezderi bul qadamǵa eseppen baratyn jastar kóbeıip barady. Ártúrli esepteýler: olar sheteldegi ómirge qyzǵanyshpen qaraıdy. Biraq biz salt-dástúrdi saqtaý turǵysynan qaraýymyz kerek. Qyzdar - bizdiń qundylyǵymyz! Olardy shetelge qalaı beremiz? - dep ashyndy úmitker.
Keıinnen sheteldik jigitpen kóńil jarastyrǵysy keletinderdiń nekelerin zań sheńberinde rettestirý jaıyn sóz etti.
- Sheteldikke turmysqa shyqqysy keletinderge salyq salýdy usynamyn, sodan keıin qyzdar men olardyń ata-analary oılanatyn shyǵar, - dedi Qaraqat Ábden.
"Adyrna" ulttyq portaly
