Eks-mınıstr Facebook paraqshasynda sot bıliginiń áreketterine qarsy ekenin jetkizip, ashtyq jarııalaǵanyn jazǵan bolatyn. Alaıda departament aqparatty joqqa shyǵardy, dep habarlaıdy "Adyrna" ulttyq portaly.
Facebook paraqshasynda orys tilinde jazylǵan aryz taraǵan. Ol áli de eks-mınıstrdiń paraqshasynda jarııalanyp tur.
Bul aqparatqa qatysty Aqmola oblysy boıynsha qylmystyq atqarý júıesi departamenti pikir bildirdi. Resmı habarlamada ashtyq jarııalaý týraly aqparat shyndyqqa janaspaıtyny atalǵan.
"Ol tamaq iship jatyr, bul beınebaqylaý kameralary arqyly rastalǵan. Odan eshqandaı aryz da, shaǵym da bolǵan joq. Sonymen qatar belgilengen tártippen sottalýshy uıaly telefon qoldana almaıdy. Bul rette onyń atyna áleýmettik jelide jarııalanǵan jarııalanym boıynsha tergeý júrgizilip jatyr”, – dep málimdedi qylmystyq atqarý júıesi departamentiniń baspasóz qyzmeti.
Departament jalǵan aqparat úshin jaýapkershilik qarastyrylǵanyn eskertti.
Al búgin, 11 aqpan - sottalǵan mınıstrdiń týǵan kúni. Búgin ol 62 jasqa toldy.