Экс-министр Facebook парақшасында сот билігінің әрекеттеріне қарсы екенін жеткізіп, аштық жариялағанын жазған болатын. Алайда департамент ақпаратты жоққа шығарды, деп хабарлайды "Адырна" ұлттық порталы.
Facebook парақшасында орыс тілінде жазылған арыз тараған. Ол әлі де экс-министрдің парақшасында жарияланып тұр.
Бұл ақпаратқа қатысты Ақмола облысы бойынша қылмыстық атқару жүйесі департаменті пікір білдірді. Ресми хабарламада аштық жариялау туралы ақпарат шындыққа жанаспайтыны аталған.
"Ол тамақ ішіп жатыр, бұл бейнебақылау камералары арқылы расталған. Одан ешқандай арыз да, шағым да болған жоқ. Сонымен қатар белгіленген тәртіппен сотталушы ұялы телефон қолдана алмайды. Бұл ретте оның атына әлеуметтік желіде жарияланған жарияланым бойынша тергеу жүргізіліп жатыр”, – деп мәлімдеді қылмыстық атқару жүйесі департаментінің баспасөз қызметі.
Департамент жалған ақпарат үшін жауапкершілік қарастырылғанын ескертті.
Ал бүгін, 11 ақпан - сотталған министрдің туған күні. Бүгін ол 62 жасқа толды.
