Namıbııanyń tuńǵysh prezıdenti Sem Nýıoma 95 jasynda qaıtys boldy, dep habarlaıdy "Adyrna" ulttyq portaly.
Saıasatker sońǵy úsh aptasyn aýrýhanada ótkizip, densaýlyǵynyń nasharlaýyna baılanysty em qabyldaǵan.
Sem Nýıoma 1929 jyly Namıbııada dúnıege kelgen. Ol kezde el Ońtústik-Batys Afrıka dep atalyp, Ońtústik Afrıka Odaǵynyń baqylaýynda bolǵan. Jas kezinde temirjolda jumys istep, saıasatqa qyzyǵýshylyq tanytqan. Onyń basty maqsaty otarshyldyq bılikten elin azat etý edi.
Namıbııa 1884-1915 jyldar aralyǵynda Germanııanyń otarynda boldy. 1959 jylǵa qaraı Nýıoma Ovambolend halyq uıymynyń jetekshisi atandy. Bul qozǵalys keıinnen Ońtústik-Batys Afrıka halyq uıymasyna (SVAPO) aınalyp, Namıbııanyń táýelsizdigi úshin basty kúres kúshi boldy. Búginde bul partııa eldiń bılik basyndaǵy partııasy.
1960 jyly Nýıoma elden qýyldy. Ol Zambııa, Tanzanııa jáne Angolada turdy. Namıbııanyń táýelsizdigin moıyndatý úshin BUU-ǵa júgindi, biraq Ońtústik Afrıka Respýblıkasy (OAR) buǵan qarsylyq bildirdi.
1966 jyly Namıbııada táýelsizdik úshin partızandyq soǵys bastaldy. Nýıoma bul soǵysty emıgraııadan basqardy.
1989 jyly, OAR Namıbııadan bas tartýǵa kelisken kezde, Nýıoma eline oraldy. 1990 jyly, 25 jylǵa sozylǵan soǵystan keıin, Namıbııa táýelsizdigin aldy.
Sol jyly ótken alǵashqy prezıdenttik saılaýda Nýıoma úlken basymdyqpen jeńiske jetti. Keıin 1994 jáne 1999 jyldary qaıta saılandy. Konstıtýııaǵa ózgeris engizip, úshinshi merzimge saılanýǵa múmkindik alǵany úshin synǵa ushyrady.
2005 jyly Nýıoma prezıdenttik qyzmetten ketti, al 2007 jyly SVAPO partııasynyń basshylyǵynan da bas tartty. Ol bul partııany 47 jyl basqardy.
