Bügın Qazaqstan Prezidentı Qasym-Jomart Toqaev Gruziia Premer-ministrı İraklii Kobahidzemen resmi kelıssöz jürgızdı. Kezdesu barysynda ekı el arasyndaǧy yntymaqtastyqtyŋ özektı mäselelerı talqylandy, dep habarlaidy “Adyrna” ūlttyq portaly.
Memleket basşysy İraklii Kobahidzenı Premer-ministr qyzmetıne qaita taǧaiyndaluymen qūttyqtap, oǧan jaŋa qyzmetınde sättılık tıledı. Prezident soŋǧy jyldary Gruziianyŋ ekonomikalyq ösımı aitarlyqtai joǧarylap, 9,4 paiyzǧa jetkenın atap öttı.
Qasym-Jomart Toqaev qazaq-gruzin qarym-qatynastarynyŋ qarqyndy damyp kele jatqanyn joǧary baǧalap, Gruziiany Qazaqstannyŋ
Kavkazdaǧy senımdı serıktesı retınde atady. Onyŋ aituynşa, ekı eldı özara dostyq pen tarihi bailanystar bırıktıredı.
Öz kezegınde İraklii Kobahidze Qazaqstanǧa kelgenıne quanyşty ekenın jetkızıp, qyzmetke kırıskennen keiıngı alǧaşqy şeteldık saparlarynyŋ bırın Astanaǧa arnaǧanyn atap öttı. Sondai-aq, ol Qazaqstan tarapyna qonaqjailyq körsetkenı üşın rizaşylyǧyn bıldırdı.
Kezdesu aiasynda taraptar ekonomikalyq, sauda jäne mädeni-gumanitarlyq salalardaǧy ärıptestıktı odan ärı nyǧaitu mäselelerın talqylady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz