بۇگىن قازاقستان پرەزيدەنتى قاسىم-جومارت توقاەۆ گرۋزيا پرەمەر-ءمينيسترى يراكلي كوباحيدزەمەن رەسمي كەلىسسوز جۇرگىزدى. كەزدەسۋ بارىسىندا ەكى ەل اراسىنداعى ىنتىماقتاستىقتىڭ وزەكتى ماسەلەلەرى تالقىلاندى، دەپ حابارلايدى “ادىرنا” ۇلتتىق پورتالى.
مەملەكەت باسشىسى يراكلي كوباحيدزەنى پرەمەر-مينيستر قىزمەتىنە قايتا تاعايىندالۋىمەن قۇتتىقتاپ، وعان جاڭا قىزمەتىندە ساتتىلىك تىلەدى. پرەزيدەنت سوڭعى جىلدارى گرۋزيانىڭ ەكونوميكالىق ءوسىمى ايتارلىقتاي جوعارىلاپ، 9,4 پايىزعا جەتكەنىن اتاپ ءوتتى.
قاسىم-جومارت توقاەۆ قازاق-گرۋزين قارىم-قاتىناستارىنىڭ قارقىندى دامىپ كەلە جاتقانىن جوعارى باعالاپ، گرۋزيانى قازاقستاننىڭ كاۆكازداعى سەنىمدى سەرىكتەسى رەتىندە اتادى. ونىڭ ايتۋىنشا، ەكى ەلدى ءوزارا دوستىق پەن تاريحي بايلانىستار بىرىكتىرەدى.
ءوز كەزەگىندە يراكلي كوباحيدزە قازاقستانعا كەلگەنىنە قۋانىشتى ەكەنىن جەتكىزىپ، قىزمەتكە كىرىسكەننەن كەيىنگى العاشقى شەتەلدىك ساپارلارىنىڭ ءبىرىن استاناعا ارناعانىن اتاپ ءوتتى. سونداي-اق، ول قازاقستان تاراپىنا قوناقجايلىق كورسەتكەنى ءۇشىن ريزاشىلىعىن ءبىلدىردى.
كەزدەسۋ اياسىندا تاراپتار ەكونوميكالىق، ساۋدا جانە مادەني-گۋمانيتارلىق سالالارداعى ارىپتەستىكتى ودان ءارى نىعايتۋ ماسەلەلەرىن تالقىلادى.
