Ükımet biylǧy mausym aiynyŋ soŋyna deiın keleşegı zor ärbır orta käsıporynnyŋ jūmys josparyn äzırleuge tiıs. Būl turaly bügın ükımettıŋ keŋeitılgen otyrysynda prezident Qasym-Jomart Toqaev mälımdedı, dep habarlaidy “Adyrna” ūlttyq portaly.
Onyŋ aituynşa, qazır ırı önerkäsıp jobalaryn ıske qosu jūmystary baiau jürıp jatyr.
«Mūny aktivterdı qazynaǧa qaitaru ısımen qatar jürgızu qajet. Men būl jönınde ırı biznes ökılderımen kezdesulerde aitqanmyn. Qazaqstanda orta buynǧa jatatyn köşbasşy kompaniialar şoǧyryn qalyptastyru mındetı älı de özektı. Ükımet biylǧy mausym aiynyŋ soŋyna deiın keleşegı zor ärbır orta käsıporynnyŋ jūmys josparyn äzırleuge tiıs. Elımızdıŋ sirek kezdesetın metall kenışın, sonyŋ ışınde älemde sūranys artyp kele jatqan litiidı öndıru men öŋdeu äleuetı öte ülken. Demek bız osy salaǧa investisiia men ozyq tehnologiialardy tartuymyz qajet. Būl rette şeteldık investorlarǧa da, otandyq biznesmenderge de basymdyq bergen jön. Qazaqstan naryǧyna geologiialyq barlaumen ainalysatyn ırı şeteldık kompaniialar keldı. Jer qoinauyn paidalanu qūqyǧyn aşyq ärı qarapaiym tärtıppen böletın Bıryŋǧai platforma ıske qosyldy. Parlament sessiiasynyŋ soŋyna deiın būl jūmystyŋ zaŋnamalyq negızın qamtamasyz etu kerek. Jer qoinauyn paidalanu salasyndaǧy reforma eş kedergıge qaramastan jalǧasuǧa tiıs. Būl – prinsiptı ūstanym. Ükımet mūny qataŋ türde saqtauy qajet», - dedı Toqaev.
Ūqsas jaŋalyqtar
