Bügınge deiın 1 900-den astam auyl okrugynda sailau ötıp, äkımderdıŋ 60 paiyzǧa juyǧy jaŋarǧan. Būl turaly Memleket basşysy Qasym-Jomart Toqaev memlekettık nagradalar men syilyqtar tapsyruǧa arnalǧan saltanatty räsım kezınde baiandady, – dep habarlaidy “Adyrna” ūlttyq portaly.
Osydan tura 1 jyl būryn men auqymdy sailau kezeŋı bastalatynyn aitqan edım. Qysqa merzım ışınde Prezident, Senat pen Mäjılıs, barlyq deŋgeidegı mäslihattar sailauy kezeŋ-kezeŋımen öttı. Onyŋ bärı jaŋa ärı ädıl erejemen jürgızıldı. Būl sailaular azamattarymyzdyŋ saiasi jäne sailau mädenietınıŋ deŋgeiı öskenın körsettı. Auyl äkımderın tıkelei sailaudyŋ engızıluı saiasi reformadaǧy asa maŋyzdy qadamnyŋ bırı boldy. Qazırge deiın 1 900-den astam auyl okrugynda sailau öttı. Auyl äkımderınıŋ 60 paiyzǧa juyǧy jaŋardy, – dedı Toqaev.Sonymen qatar, ol aldaǧy uaqytta audan jäne oblystyq maŋyzy bar qala äkımderın de azamattar tıkelei sailaitynyn atap öttı.
Äzırge jaŋa täsıldıŋ tiımdılıgın baiqap köremız. Adam qūqyǧyn qorǧau jüiesı jetıle tüstı. Konstitusiialyq Sot qaita qūryldy. Ombudsmenderdıŋ märtebesı köterılıp, qūzyretı keŋeidı. Tūrmystyq zorlyq-zombylyq jasaǧan adamdarǧa jaza küşeitıldı. Qazaqstan äleumettık salada aitarlyqtai tabysqa qol jetkızdı. Halyqtyŋ densaulyǧyn jaqsartu üşın qomaqty qarjy bölınıp jatyr. Nätijesınde, azamattardyŋ ortaşa jasy 74,4 jasqa jettı. Būl – el tarihyndaǧy rekordtyq körsetkış, – dedı Memleket basşysy.
Ūqsas jaŋalyqtar
